МІНСК, 16 ліс – Sputnik. Ракета, якая трапіла на тэрыторыю Польшчы, паводле папярэдніх звестак, была запушчана ўкраінскімі войскамі для таго, каб збіць расійскую ракету, паведамляе агенцтва Associated Press, спасылаючыся на амерыканскіх чыноўнікаў.
"Першапачатковыя даныя ўказваюць на тое, што ракета, якая трапіла на тэрыторыю Польшчы, была выпушчана ўкраінскімі сілам па надыходзячай расійскай ракеце", – гаворыцца ў паведамленні агенцтва.
Напярэдадні вечарам польскія СМІ паведамілі аб тым, што на тэрыторыі краіны недалёка ад мяжы з Украінай упалі дзве ракеты. МЗС рэспублікі заявіў, што яны былі расійскай вытворчасці. Прэм’ер-міністр Польшчы Матэуш Маравецкі склікаў спешную нараду камітэта ўрада па бяспецы і абароне.
Пазней прэзідэнт Польшчы Анджэй Дуда заявіў аб тым, што не мае дакладнай інфармацыі аб тым, чые менавіта гэта былі ракеты.
На фоне здарэння раніцай 16 лістапада прайшла экстранная сустрэча лідараў краін G7 і НАТА, якія знаходзяцца цяпер на саміце G20 на Балі. Паводле яе вынікаў прэзідэнт ЗША Джо Байдэн заявіў, што, паводле папярэдняй інфармацыі, ракета, якая ўпала ў Польшчы, ляцела не з Расіі.
Раней у расійскім міністэрстве абароны паведамлялі, што ніякія ўдараў па цэлях каля мяжы Польшчы і Украіны расійскімі сродкамі паражэння не наносіліся. У ведамстве растлумачылі, што фота нейкіх абломкаў, апублікаваных у СМІ, не маюць дачынення да расійскіх сродкаў паражэння.
У Мінабароны мяркуюць, што ўсе заявы польскіх СМІ аб падзенні нібыта расійскіх ракет з’яўляюцца наўмыснай правакацыяй для эскалацыі сітуацыі.
У Пентагоне ў сваю чаргу заявілі, што маюць намер "аперыраваць не здагадкамі, а фактамі", для высвятлення якіх у ЗША ёсць дастаткова магчымасцей.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Стала вядома, дзе Кіеў мае намер правесці правакацыю з "бруднай бомбай"
Кіеў рыхтуе рэзанансную правакацыю на Запарожскай АЭС – Мінабароны РФ