МІНСК, 17 ліс – Sputnik. Цэнтрвыбаркамы Беларусі і Расіі абавязкова абмяняюцца назіральнікамі на выбарах, якія пройдуць у абедзвюх краінах у 2024 годзе, паведаміла старшыня ЦВК Расіі Эла Памфілава.
Адказваючы на пытанне карэспандэнта Sputnik, ці прыедзе яна на выбары ў Беларусь у 2024 годзе, Памфілава нагадала, што ў Расіі ў гэтым жа годзе таксама будзе праходзіць маштабная электаральная кампанія – выбары прэзідэнта.
"Але я думаю, мы ўсё ж знойдзем магчымасці і абавязкова абмяняемся адзін з адным (назіральнікамі - Sputnik). Гэта нават не падлягае абмеркаванню. Нашы назіральнікі заўсёды прыязджалі і будуць прыязджаць, гэтак жа, як і нашы калегі з Беларусі", - дадала кіраўнік выбарчай камісіі Расіі.
Замежныя назіральнікі
Раней кіраўнік ЦВК Беларусі Ігар Карпенка тлумачыў, хто ў Беларусі можа запрашаць замежных назіральнікаў на выбары. Паводле яго слоў, гэта кіраўнік дзяржавы, урад, абедзве палаты парламента краіны, знешнепалітычнае ведамства і, вядома ж, камісія, якой ён кіруе.
Карпенка таксама нагадаў, што ЦВК, як правіла, запрашае сваіх калег, з якімі камісія ўзаемадзейнічае. Ён мяркуе, што на будучыя выбары 2024 года беларускі ЦВК запросіць цэнтрвыбаркамы краін СНД.
Нагадаем, адзіны дзень галасавання на парламенцкіх і мясцовых выбарах у Беларусі пройдзе 25 лютага 2024 года, а на працягу 60 дзён пасля гэтага – Усебеларускі народны сход (УНС). Не пазней за 20 ліпеня 2025 года павінны будуць прайсці прэзідэнцкія выбары.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Кіраўнік ЦВК Расіі Памфілава: нельга ўпускаць моладзь
Кіраўнікі ЦВК Беларусі і Расіі падпішуць у Мінску абноўленае пагадненне
Лукашэнка канстатаваў, што "людзі часам не зусім разумеюць сутнасць УНС"
Ці гатоў ЦВК Беларусі працаваць з назіральнікамі АБСЕ, расказаў Карпенка
Выбары ў 2024 годзе не будуць лёгкімі – Лукашэнка