МІНСК, 17 ліс – Sputnik. Першапрычынай усяго таго, што адбываецца зараз, з’яўляюцца дзеянні ЗША і НАТА, пра гэта заявіў прэс-сакратар прэзідэнта Расіі Дзмітрый Пяскоў, каментуючы заявы Вашынгтона аб адказнасці Масквы за інцыдэнт з ракетамі ў Польшчы.
Напярэдадні прадстаўнік Савета нацбяспекі Белага дома Эдрыен Уотсан у спецзаяве адзначыла, што, незалежна ад канчатковых высноў з надзвычайнага здарэння з падзеннем ракет на польска-ўкраінскай мяжы, у канчатковым выніку адказнасць за інцыдэнт нясе Расія, якая абстраляла Украіну ракетамі.
"Амерыканцы кажуць у парадыгме "калі б не было таго, то і не было б гэтага". Тады ёсць сэнс адкруціць назад. І мы ўбачым першапрычыну ўсяго – гэта НАТА і ЗША на чале", - заявіў Пяскоў РІА Навіны.
Што здарылася ў Польшчы
Аб тым, што на ферму, якая знаходзіцца паблізу ад украінскай мяжы, упалі дзве ракеты, СМІ Польшчы паведамілі ўвечары 15 лістапада. У выніку інцыдэнту загінулі два чалавекі.
МЗС Польшчы заявіла, што ракеты былі расійскай вытворчасці. Прэм’ер-міністр краіны Матэуш Маравецкі склікаў тэрміновую нараду камітэта ўрада па бяспецы і абароне. Пазней прэзідэнт Польшчы Анджэй Дуда заявіў аб тым, што не мае дакладнай інфармацыі аб тым, чые менавіта гэта былі ракеты.
На фоне здарэння раніцай 16 лістапада прайшла экстранная сустрэча лідараў краін G7 і НАТА, якія знаходзяцца цяпер на саміце G20 на Балі. Паводле яе вынікаў прэзідэнт ЗША Джо Байдэн заявіў, што, паводле папярэдняй інфармацыі, ракета, якая ўпала ў Польшчы, ляцела не з Расіі.
Пазней СМІ паведамілі аб тым, што ракета была выпушчана ўкраінскімі войскамі.
Меркаванні аб тым, што Масква не мае дачынення да здарэння, прытрымліваюцца і ў шэрагу іншых краін. У прыватнасці, генеральны сакратар НАТА Йенс Столтэнберг паведаміў, што не мае інфармацыі аб тым, што "прылёт" ракет у Польшчы з’яўляецца вынікам наўмысных дзеянняў.
У Мінабароны Расіі заявілі, што ўсе паведамленні польскіх СМІ аб падзенні нібыта расійскіх ракет з’яўляюцца наўмыснай правакацыяй для эскалацыі сітуацыі. У ведамстве паведамілі, што ніякія ўдары па цэлях каля мяжы Польшчы і Украіны расійскімі сродкамі паражэння не наносіліся.
Як паведаміла прэс-сакратар расійскага МЗС Мірыя Захарава, гэты інцыдэнт быў "чарговай грубай правакацыяй" Кіева.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Мінабароны РФ лічыць правакацыяй заявы аб "расійскіх ракетах" у Польшчы
Захад павышае верагоднасць пачатку сусветнай вайны – Мядзведзеў
Ракету, якая ўпала ў Польшчы, выпусцілі ўкраінскія войскі – СМІ