МІНСК, 1 лют – Sputnik. У выніку таргоў на Беларускай валютна-фондавай біржы айчынны рубль патаннеў у адносінах да валютнага кошыка.
Сёння еўрапейская валюта працягнула падбірацца да курсавога максімума. На таргах еўра ўмацаваўся на ледзь адчувальныя 0,03% і ўзняўся да адзнакі 2,9050 беларускага рубля.
Следам за еўра працягнуў расці ў кошце і амерыканскі долар на фоне рашучых дзеянняў ФРС па барацьбе з інфляцыяй. Долар дадаў 0,13% і замацаваўся на ўзроўні 2.6780 беларускага рубля.
Расійская валюта скарысталася ўвядзеннем столі коштаў на нафту і нафтапрадукты, што прывяло да росту каціровак на сыравіну. У сераду яна падаражэла на 0,20%. На біржы за 100 расійскіх давалі 3,8179 беларускага рубля.
Роўна на столькі жа ўмацавалася і валюта Паднябеснай на фоне росту попыту на тавары ў свеце. У выніку на таргах за 10 юаняў трэба было заплаціць 3,9687 беларускага рубля.
Самыя цікавыя і важныя навіны шукайце ў нашым Telegram-канале!