МІНСК, 5 лют – Sputnik. Даты школьных канікул на наступны навучальны год вызначылі ў міністэрстве адукацыі. Інфармацыя аб гэтым з’явілася на сайце ведамства.
У час восеньскіх канікул у школьнікаў будзе магчымасць адпачыць 10 дзён: з 29 кастрычніка па 7 лістапада 2023 года ўключна.
Зімовыя канікулы – цэлых 15 дзён. Пачнуцца яны з 24 снежня і скончацца 7 студзеня 2024 года (уключна).
Наступная перадышка ад вучобы пасля трэцяй чвэрці працягнецца 8 дзён: з 24 сакавіка па 31 сакавіка 2024 года.
А летам дзеці будуць адпачываць 92 дні: канікулы пачнуцца 1 чэрвеня і скончацца 31 жніўня 2024 года (для старшакласнікаў – з 12 чэрвеня).
У першым і другім класах у школьнікаў ёсць дадатковыя міні-канікулы: яны будуць падчас трэцяй чвэрці, з 19 па 25 лютага 2024 года.
Што і калі будуць здаваць выпускнікі школ
У гэтым годзе істотна мяняюцца правілы правядзення ўступнай кампаніі, а для старшакласнікаў у навучальным годзе дабавілася некалькі важных дат – цэнтралізаваныя экзамены будуць праходзіць у маі.
Так, Мінадукацыі вызначыла, калі пройдуць ЦЭ:
руская і беларуская мовы (на выбар) – 14 мая (рэзервовыя дні 23 мая і 21 жніўня);
фізіка, матэматыка, хіміі, біялогія, замежная мова, гісторыя Беларусі, сусветная гісторыя (новы час), геаграфія і грамадазнаўства – 21 мая (рэзервовыя дні 25 мая, 23 жніўня).
А для выпускнікоў гімназій-каледжаў мастацтваў правядуць яшчэ і творчы экзамен.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Колькі школьнікаў здалі рэпетыцыйны ЦЭ, расказалі ў Мінадукацыі
Як будуць выстаўляцца адзнакі на ЦЭ
Лукашэнка падпісаў указ аб змене правіл прыёму ў ВНУ