МІНСК, 6 лют – Sputnik. На працягу дня ў панядзелак беларусы нясуць кветкі да пасольстваў Турцыі і Сірыі ў Мінску, выказваючы спачуванні ў сувязі з землятрусам, які забраў сотні жыццяў у гэтых дзвюх краінах.
Пасольства Турцыі ў Мінску
© Sputnik / Виктор Толочко
Людзі прыходзяць да будынка турэцкай дыпмісіі, пакідаюць кветкі і лампадкі каля парапетаў.
Кветкі і свечкі каля пасольства Турцыі ў Мінску ў памяць аб загінулых у выніку землятрусу 6 лютага
© Sputnik / Виктор Толочко
Аналагічная сітуацыя і ў сірыйскага пасольства. Там таксама пакідаюць кветкі, лампадкі і запіскі пасля землятрусу, які адбыўся ў краіне.
Паводле апошніх звестак улад, колькасць загінулых ад землятрусу ў Турцыі вырасла да 1121 чалавек, больш за 7 тысяч пацярпелі.
Па словах турэцкага лідара Рэджэпа Таіпа Эрдагана, дакладную колькасць ахвяр на дадзены момант назваць не ўяўляецца магчымым.
У Сірыі на гэты момант загінулымі лічацца 430 чалавек, пацярпелі больш за 1300.
Ружы каля пасольства Сірыі ў Мінску ў памяць аб загінулых у выніку землятрусу 6 лютага
© Sputnik / Виктор Толочко
На працягу дня ў панядзелак у Турцыі адбыліся два паўторныя землятрусы той жа магутнасці, сейсмолагі папярэдзілі, што землятрусы магнітудай каля 6 будуць паўтарацца ў Турцыі на працягу некалькіх дзён.
Лампады каля пасольства Сірыі ў Мінску ў памяць аб загінулых у выніку землятрусу 6 лютага
© Sputnik / Виктор Толочко
З ініцыятывай аб дапамозе пацярпелым ад землятрусу выступілі 45 краін. Свае спачуванні кіраўніцтву Турцыі і Сірыі накіравалі многія сусветныя лідары.
Словы падтрымкі Рэджэпу Таіпу Эрдагану і Башару аль-Асаду накіраваў і беларускі прэзідэнт Аляксандр Лукашэнка.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь