МІНСК, 9 лют – Sputnik. Беларусь прадала прадуктаў харчавання на агульную суму ў 8,3 мільярда долараў у мінулым годзе, заявіў кіраўнік дзяржавы Аляксандр Лукашэнка ў Палацы Незалежнасці падчас сустрэчы з вучонымі.
Па яго словах, улады краіны шмат гадоў укладвалі сілы ў развіццё аграрнага сектара. Гэта пачало даваць свой плён у выглядзе росту экспарту прадукцыі.
"Нафта не дае такой рэнтабельнасці, як сельская гаспадарка. Нафта ўвогуле апусцілася ніжэй за плінтус. На 8,3 мільярда долараў прадалі прадуктаў харчавання", - цытуе Лукашэнку БелТА.
Беларускі лідар яшчэ раз нагадаў аб тым, што з’яўляецца прыхільнікам ідэі харчавання прадуктамі, якія атрыманы на радзіме. Прычым, паводле слоў Лукашэнкі, ён практычна не ўжывае нічога імпартнага.
Пасля чаго прэзідэнт канстатаваў, што насельніцтва Зямлі расце з кожным годам. Гэта натуральным чынам запатрабуе большай колькасці прадуктаў харчавання.
На заканчэнне Аляксандр Лукашэнка заклікаў беларускіх вучоных распрацоўваць новыя тэхналогіі, якія могуць быць запатрабаваны ў рэспубліцы ўжо цяпер.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
"Еўразійскі экспрэс" перавёз больш за 500 тысяч тон прадукцыі АПК
У 2023 годзе ў Беларусі здабудуць 1,8 мільёна тон нафты
Уся наша шматвяковая гісторыя стваралася сялянскай працай – Лукашэнка
"Беларуснафта" ў 10 разоў нарасціла здабычу ў Заходняй Сібіры
РФ поўнасцю закрывае патрэбнасць у малаку з улікам беларускіх паставак