МЗС Беларусі растлумачыла, што перашкодзіла перамір’ю паміж Украінай і РФ у 2022 годзе

МІНСК, 13 лют – Sputnik. Заключэнню перамір’я паміж расійскім і ўкраінскім бокам вясной мінулага года перашкодзіў Захад, заявіў прэс-сакратар беларускага знешнепалітычнага ведамства Анатоль Глаз.

Як расказаў Глаз, некалькі высокапастаўленых асоб паведамілі ведамству, што кіраўніку ўкраінскай дзяржавы Уладзіміру Зяленскаму яго заходнія партнёры выказалі меркаванне, што мірныя перагаворы трэба спыніць.

"І ў сувязі з гэтым яны і былі спынены", - сказаў прадстаўнік МЗС у эфіры тэлеканала СТБ.

Ён падкрэсліў, што гэта вядома "з дакладных крыніц, і не з адной крыніцы".

Пры гэтым, як адзначыў прэс-сакратар, дакумент аб перамір’і быў тады на пэўнай стадыі падрыхтоўкі, і па ім можна было весці перагаворы далей і дыскуціраваць.

Глаз нагадаў, што тады беларускі лідар Аляксандр Лукашэнка адзначаў важнасць спынення кровапраліцця, і бакі былі да гэтага ўжо блізкія. Але ўкраінскаму боку паступілі іншыя ўказанні, і ў выніку перагаворны працэс быў спынены.

Расія з 24 лютага 2022 года праводзіць ваенную спецаперацыю. Па заявах расійскага лідара Уладзіміра Пуціна, яе задача – "абарона людзей, якія на працягу васьмі гадоў падвяргаюцца здзекам з боку кіеўскага рэжыму". Канчатковай мэтай СВА прэзідэнт назваў поўнае вызваленне Данбаса і стварэнне такіх умоў, якія будуць гарантаваць бяспеку і для самой Расіі.

Кансультацыі паміж расійскім і ўкраінскім бокам пачаліся ў канцы лютага 2022 года. У прыватнасці, дэлегацыі дзвюх краін двойчы сустракаліся на тэрыторыі Беларусі, а пасля перайшлі ў фармат зносін па відэа-канферэнц-сувязі. У канцы сакавіка бакі зноў правялі правялі раунд вочных перагавораў у Стамбуле, дзе былі дасягнуты пэўныя дамоўленасці.

Але пазней кіраўнік МЗС Расіі Сяргей Лаўроў паведаміў, што Украіна адмаўляецца ад зробленых раней прапаноў і стварае шматлікія правакацыі, каб затармазіць перагаворны працэс.