МІНСК, 16 лют – Sputnik. Прэзідэнт Беларусі Аляксандр Лукашэнка павіншаваў народ Літвы з нацыянальным святам – Днём аднаўлення Літоўскай дзяржавы.
Ён падкрэсліў, што беларусы заўсёды былі накіраваны на мірнае і прыязнае суіснаванне.
"Шматвяковае суседства ўстанавіла паміж нашымі народамі непарыўныя сувязі, фундаментам якіх з’яўляюцца сумесныя сем’і, шчырае сяброўства, агульны бізнес, памяць, гісторыя", - гаворыцца ў віншаванні, апублікаваным на афіцыйным сайце беларускага прэзідэнта.
Паводле яго слоў, Беларусь для жыхароў Літвы была і застаецца адкрытай краінай, настроенай на супрацоўніцтва і дыялог – нягледзячы на "беспаспяховыя спробы літоўскай кіруючай эліты змяніць выбраную беларускім народам уладу, а таксама неабгрунтавана варожую і лжывую палітыку" ў адносінах да нашай рэспублікі.
У доказ гэтага Лукашэнка прывёў сваё рашэнне прадоўжыць бязвізавы ўезд у Беларусь для грамадзян Літвы.
"Ведаю, што і літоўскі народ падзяляе жаданне жыць у згодзе з беларусамі", - мяркуе кіраўнік Беларусі.
Лукашэнка таксама пажадаў грамадзянам Літвы найхутчэйшага аднаўлення такога дзяржаўнага палітычнага і эканамічнага курсу, які, паводле яго слоў, адпавядаў бы сапраўдным інтарэсам літоўскага народа.
Беларускі лідар пажадаў літоўскаму народу міру, спакою і дабрабыту.
Бязвізавы ўезд
Нагадаем, што бязвізавы ўезд з 15 красавіка бягучага года быў уведзены для літоўцаў і латышоў, з 1 ліпеня – для грамадзян Польшчы. Як чакалася, ён павінен быў дзейнічаць да канца 2022-га, аднак Лукашэнка прыняў рашэнне прадоўжыць яго яшчэ на год.
Паводле даных Дзяржпагранкамітэта, з моманту ўвядзення бязвізу да канца мінулага года Беларусь наведалі 386 145 іншаземцаў, з іх 249 165 грамадзян Літвы.
Адносіны з Літвой
Літва на працягу многіх гадоў была адным з вядучых эканамічных партнёраў Беларусі, а таксама транзітным калідорам для беларускага экспарту ў трэція краіны. Да 2020 года Літва займала шостае месца па аб’ёме тавараабароту і чацвёртае – па аб’ёме экспарту сярод краін, з якімі гандлюе Беларусь.
Пасля прэзідэнцкіх выбараў, якія прайшлі ў Беларусі ў жніўні 2020 года, на якіх перамог дзеючы прэзідэнт, адносіны Мінска і афіцыйнага Вільнюса сапсаваліся. Пазней Літва далучылася да заходніх санкцый у дачыненні да Беларусі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Таксама на Sputnik:
Літоўцаў абурае ваяўнічы настрой улад краіны – Васкрасенскі
Літоўскія сілавікі цынічна выкідваюць мігрантаў на мяжы – ДПК Беларусі
Літва праверыць грамадзян Беларусі, якія прыбылі па схеме пераводу бізнесу