Пачынаюцца вучэнні Расіі, Кітая і ПАР у Індыйскім акіяне

МІНСК, 17 лют – Sputnik. Сумесныя ваенна-марскія вучэнні Расіі, Кітая і Паўднёва-Афрыканскай Рэспублікі пачынаюцца ў паўднёвай частцы акваторыі Індыйскага акіяна паблізу афрыканскага ўзбярэжжа ў пятніцу, паведаміла мінабароны ПАР.

Вучэнні пад назвай Exercise MOSI пройдуць у перыяд з 17 па 27 лютага ў раёне гарадоў Дурбан і Рычардс-Бэй у правінцыі Квазулу-Натал.

Гэтыя трохбаковыя вучэнні сталі ўжо другімі, першыя прайшлі ў водах ПАР у лістападзе 2019 года.

Ад Расіі ўдзел прымаюць караблі Паўночнага флоту – танкер "Кама" і фрэгат "Адмирал Горшков". Фрэгат упершыню знаходзіцца ў далёкім паходзе з гіпергукавым ракетным комплексам "Циркон" на борце.

З боку ПАР у вучэннях прымуць удзел больш за 350 вайскоўцаў з розных родаў войск і падраздзяленняў. Яны будуць абменьвацца аператыўнымі навыкамі і ведамі з расійскімі і кітайскімі калегамі.

Падчас вучэнняў плануецца адпрацоўка ўзаемадзеяння марскіх сістэм, барацьбы з пірацтвам, марскога супрацоўніцтва і ўдасканалення сумесных мер рэагавання на стыхійныя бедствы.

Фрэгат Паўночнага флоту "Адмирал флота Советского Союза Горшков" выйшаў у далёкі баявы паход 4 студзеня. У маршруце – Атлантычны і Індыйскі акіяны, а таксама Міжземнае мора.

Падчас паходу караблі Паўночнага флоту прайшлі праліў Ла-Манш, выканалі задачы далёкага паходу ў Паўночнай Атлантыцы. У прыватнасці, фрэгат правёў артылерыйскія стрэльбы па марской цэлі ў Атлантычным акіяне, адпаведнае відэа апублікавала прэс-служба Мінабароны РФ.

На борце фрэгата знаходзяцца гіпергукавы ракетны комплекс "Циркон", а таксама крылатыя ракеты "Калибр".

У Атлантыцы раней фрэгат выкарыстоўваў гіпергукавыя ракеты "Циркон" падчас навучальных стрэльбаў. Экіпаж фрэгата адпрацоўваў арганізацыю нанясення ракетнага ўдару ракетамі "Циркон" па марской цэлі, якая імітавала карабель умоўнага праціўніка. Канчатковая кропка ўдару знаходзілася на адлегласці больш за 900 кіламетраў.

"Адмирал Горшков" прыбыў у Кейптаўн напярэдадні вучэнняў.