МІНСК, 28 лют – Sputnik. Міністэрства па надзвычайных сітуацыях Беларусі атрымала ад ЮНІСЕФ усепагодную палатку і іншае абсталяванне для прыёму мігрантаў, паведамілі Sputnik у фондзе.
Таксама ў аўторак 28 лютага МНС і ЮНІСЕФ (Дзіцячы фонд ААН) падпісалі Мемарандум аб узаемаразуменні.
Як растлумачылі ў фондзе, да сумеснай работы па прафілактыцы дзіцячага траўматызму дабавяць новыя напрамкі. Напрыклад, гэта прадухіленне гібелі дзяцей на пажарах, павышэнне ўзроўню падрыхтоўкі ратавальнікаў для прафілактыкі НС.
ЮНІСЕФ будзе таксама ўмацоўваць матэрыяльна-тэхнічную базу цэнтраў бяспекі МНС для навучання дзяцей. Фонд ужо перадаў міністэрству абсталяванне і рыштунак для рэагавання на надзвычайныя сітуацыі. У тым ліку гэту маёмасць можна выкарыстоўваць для прыёму бежанцаў.
МНС атрымала модульную ўсепагодную палатку на 15-20 чалавек, а таксама цеплавую пушку, электрагенератар, лёгкія раскладныя ложкі, спальнікі і цёплыя коўдры, перасовачныя ёмістасці для захоўвання вады, санітарна-гігіенічны комплекс, насілкі, дзіцячыя ложкі і іншае абсталяванне.
У МНС і ЮНІСЕФ ужо ёсць вопыт супрацоўніцтва. Напрыклад, гэта сацыяльныя ролікі, інфармацыйныя матэрыялы для дзяцей і бацькоў, метадычныя матэрыялы для педагогаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Польскія сілавікі за трое сутак шэсць разоў выцяснялі бежанцаў у Беларусь
Беларусь працягне дабівацца зносу загароды ў Белавежскай пушчы – Мінпрыроды
Літоўскія сілавікі цынічна выкідваюць мігрантаў на мяжы – ДПК Беларусі