МІНСК, 6 сак – Sputnik. Мінскі гарадскі суд у панядзелак пачаў разгляд маштабнай і шматэпізоднай крымінальнай справы аб тэрарызме, па якой праходзяць 17 абвінавачаных.
Гэтую крымінальную справу расследаваў Камітэт дзяржаўнай бяспекі Беларусі.
З 17 абвінавачаных трое – у тым ліку былы мінскі рэстаратар Вадзім Пракоп’еў – знаходзяцца па-за межамі Беларусі. Іх суд выклікаў на 6 сакавіка на пачатак працэсу. Астатнія 14 абвінавачаных знаходзяцца пад вартай.
Судовае пасяджэнне па крымінальнай справе пачалося ў 10:30. Яе разглядаюць у адкрытым фармаце ў будынку суда Маскоўскага раёна Мінска, дзе ёсць вялікая зала судовых пасяджэнняў.
Фігурантам справы аб тэрарызме было прад’яўлена абвінавачанне па шэрагу артыкулаў Крымінальнага кодэкса, у ліку якіх падрыхтоўка да здзяйснення акта тэрарызму, здзяйсненне акта тэрарызму, у тым ліку ў дачыненні да дэпутата Палаты прадстаўнікоў Нацыянальнага схода Алега Гайдукевіча, незаконны абарот зброі, замах на захоп і ўтрыманне дзяржаўнай улады неканстытуцыйным шляхам, а таксама шэраг іншых.
Як раней паведамлялася, нападзенне на дом Гайдукевіча было ўчынена ў ноч з 10 на 11 ліпеня 2021 года. У дом, дзе пражывала яго сям’я, кінулі "кактэйлі Молатава".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Абвінавачаныя па справе "Вясны" атрымалі тэрміны ад 7 да 10 гадоў
Завочны суд над "збеглым" апазіцыянерам Цапкалам пачаўся ў Мінску
Пракурор папрасіў для Ціханоўскай і Латушкі па 19 гадоў пазбаўлення волі