МІНСК, 10 сак – Sputnik. Беларускі ўрад дазволіў накіроўваць сродкі інавацыйных фондаў на рэалізацыю імпартазамяшчальных праектаў, гэта прадугледжана пастановай Саўміна №171 ад 7 сакавіка, якая афіцыйна апублікавана на Нацыянальным прававым інтэрнэт-партале.
"Устанавіць, што ў 2023 годзе сродкі рэспубліканскага цэнтралізаванага інавацыйнага фонду і мясцовых інавацыйных фондаў могуць накіроўвацца на фінансаванне праектаў, уключаных у пералік перспектыўных імпартазамяшчальных інвестыцыйных праектаў", - гаворыцца ў дакуменце.
Адзначаецца, што пералік такіх праектаў зацвярджаецца непасрэдна прэм’ер-міністрам Беларусі Раманам Галоўчанкам.
Пастанова ўступае ў сілу пасля яе афіцыйнага апублікавання.
Пытанні імпартазамяшчэння
Беларусь і Расія актыўна займаюцца рэалізацыяй сумесных беларуска-расійскіх праектаў па імпартазамяшчэнні. Некаторыя праекты пачынаюць ужо ўваходзіць у стадыю фінансавання і набыцця абсталявання, а па некаторых ідзе ўдакладненне бізнес-планаў і тэрмінаў акупнасці.
Акрамя таго, шэраг праектаў знаходзяцца на стадыі ўзгаднення ці ўдакладнення з расійскімі партнёрамі.
Асаблівую ўвагу Беларусь удзяляе і адкрыццю ў Расіі беларускіх зборачных вытворчасцей, пошуку магчымых для гэтага партнёраў, а таксама развіццю тавараправоднай сеткі на расійскай тэрыторыі.
Нагадаем, што Беларусь і Расія падпісалі міжурадавае пагадненне аб выдзяленні беларускаму боку крэдыту на суму 105 мільярдаў расійскіх рублёў на рэалізацыю імпартазамяшчальных праектаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Беларусь пачала атрымліваць крэдыт ад РФ на імпартазамяшчэнне – Грызлоў
Пагадненне аб адзінай прамысловай палітыцы падпісалі Беларусь і Расія
МТЗ плануе нарасціць экспарт у 2023 годзе з праграмай імпартаапярэджання
Доля імпартазамяшчальнай прадукцыі склала 42,7% у прамысловасці Беларусі
"Гомсельмаш" стане першым сумесным праектам па імпартазамяшчэнні