МІНСК, 28 сак – Sputnik. За мінулы год тавараабарот паміж Беларуссю і Валгаградскай вобласцю павялічыўся ў 1,5 разы, заявіў прэм’ер-міністр Беларусі Раман Галоўчанка падчас рабочай сустрэчы з губернатарам Валгаградскай вобласці Андрэем Бачаровым, перадае карэспандэнт Sputnik.
Паводле слоў Галоўчанкі, выбудоўванне прамых сувязей з расійскімі рэгіёнамі з’яўляецца асновай пабудовы гандлёва-эканамічных адносін і ўзаемадзеяння.
"Прамысловая арганізацыя Валгаградскай вобласці, бізнес – важныя інвестары, у тым ліку, і ў эканоміку Рэспублікі Беларусь", - лічыць беларускі прэм’ер.
Раман Галоўчанка нагадаў, што зараз ідзе рэалізацыя некалькіх прамысловых інвестыцыйных праектаў з удзелам арганізацый з Валгаградскай вобласці. Цэлы шэраг праектаў зараз прапрацоўваецца.
"З 2020 года назіраецца ўстойлівы рост тавараабароту. Прычым расце як беларускі экспарт у рэгіён, так і імпарт наш з Валгаградскай вобласці. За мінулы год тавараабарот склаў больш як 360 мільёнаў долараў. Гэта добрая дынаміка", - канстатаваў ён.
Малако, рыба, шакалад
Кіраўнік беларускага ўрада праінфармаваў, што тавараабарот харчовых тавараў і сельгассыравіны паміж рэспублікай і расійскім рэгіёнам па выніках 2022 года дасягнуў 61 млн долараў і вырас у два разы. Цяпер Беларусь экспартуе ў вобласць малако, малочныя прадукты, рыбу, рыбапрадукты, шакалад, кармы для жывёл і іншую прадукцыю.
Раман Галоўчанка таксама звярнуў увагу, што валгаградская аграпрамысловая вытворчасць дэманструе высокія вынікі. У сувязі з гэтым беларускі ўрад прапануе калегам новыя ўзоры сельгастэхнікі для арганізацый і перапрацоўчых прадпрыемстваў – пагрузчыкі, меліярацыйныя машыны і гэтак далей.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Галоўчанка назваў стратэгічныя меры, прынятыя ў рамках Саюзнай дзяржавы
Залатароў упэўнены, што Беларусь увойдзе ў топ-3 эканамічных партнёраў Расіі
Ніжагародская вобласць адкрые сумеснае прадпрыемства з Беларуссю для паставак групе ГАЗ
Прадпрыемствы Беларусі заключылі кантракты на $200 млн у Санкт-Пецярбургу
Кампаніі РФ зрабілі заказы ў IT-сектара Беларусі на $300 млн