МІНСК, 4 кра – Sputnik. Частка беларускіх штурмавых самалётаў атрымала магчымасць наносіць удары сродкамі паражэння ў ядзерным аснашчэнні, паведаміў кіраўнік Мінабароны Расіі Сяргей Шайгу на селектарнай нарадзе з кіруючым складам Узброеных сіл.
Беларускія лётчыкі прайшлі перападрыхтоўку ў Расіі і навучыліся кіраванню самалётамі, аснашчанымі ядзернай зброяй.
Мадэрнізавалі таксама і самалёты рэспублікі. Аб тым, што беларускія самалёты Су пераабсталяваны для магчымасці несці ядзерную зброю, паведамляў у жніўні мінулага года беларускі лідар Аляксандр Лукашэнка.
"Частка беларускіх самалётаў штурмавой авіяцыі атрымала магчымасць наносіць удары па аб’ектах праціўніка сродкамі паражэння ў ядзерным аснашчэнні", - сказаў расійскі міністр.
Таксама ён нагадаў аб перадачы Узброеным сілам Беларусі ад Расіі комплексу "Искандер-М", які можа выкарыстоўваць ракеты, у тым ліку ў ядзерным выкананні. Як раней у снежні гаварыў беларускі прэзідэнт, "Искандер" пастаўлены на баявое дзяжурства ў рэспубліцы.
Акрамя таго, ужо з сённяшняга дня на палігоне беларускія разлікі вывучаюць як прымяняць комплекс "Искандер" для абароны Саюзнай дзяржавы.
Шайгу звярнуў увагу на тое, што Паўночнаатлантычны альянс праводзіць комплекс мерапрыемстваў, накіраваны на павышэнне баявой гатоўнасці Аб’яднаных узброеных сіл, актывізавана вучэбна-баявая і разведвальная дзейнасць каля меж Расіі і Беларусі.
"У бліжэйшы час членам альянсу стане Фінляндыя. Зразумела, усё гэта стварае рызыкі істотнага пашырэння канфлікту, але на зыход спецыяльнай аперацыі не паўплывае", - дадаў міністр.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь
Чытайце таксама:
Грызлоў: вяртанне ядзернай зброі – не эскалацыя, а магчымасць размену
Лукашэнка даручыў аднавіць стартавыя пляцоўкі для "Тополей"
Генсакратар СНД: рашэнне аб прымяненні ядзернай зброі Беларусь і РФ прымуць сумесна