Сёння адзначаецца Міжнародны дзень памяці пра Чарнобыльскую катастрофу. Якія яшчэ падзеі адбыліся 26 красавіка і чым азнаменаваны гэты дзень у народным календары, чытайце ў спраўцы Sputnik.
Гістарычныя падзеі 26 красавіка
У 1986 годзе адбылася катастрофа на Чарнобыльскай АЭС.
Хто нарадзіўся 26 красавіка
1863 год: Яўстафій Арлоўскі, беларускі краязнавец, гісторык, педагог.
1933 год: Георгій Гурыновіч, беларускі фізік.
Таксама сёння нарадзіліся французскі мастак Эжэн Дэлакруа і амерыканскі фізік і сейсмолаг Чарльз Рыхтэр.
26 красавіка ў народным календары
Сёння праваслаўныя вернікі шануюць памяць пакутніцы Фамаіды. Ёй маліліся аб пазбаўленні ад блуду і распусты.
У гэты час пачынаюць лятаць чмялі і іншыя насякомыя. Расцвітае шмат вясенніх раслін. Калі квітнее вярба, халадоў больш не будзе. Дуб – лета будзе цёплае.
Зорная ноч прадвяшчае добры ўраджай збожжа. Калі зязюля гучна кукуе, цёплыя дзянькі ўжо блізка.