МІНСК, 17 мая – Sputnik. Станоўчае сальда знешняга гандлю перавысіла 200 мільёнаў долараў, сказаў прэм’ер Беларусі Раман Галоўчанка на пасяджэнні Саўміна, перадае карэспандэнт Sputnik.
Паводле яго слоў, агульная сітуацыя ў эканоміцы стабільная, вынікі маюць устойлівую станоўчую тэндэнцыю, захавана макраэканамічная збалансаванасць.
"Станоўчае сальда знешняга гандлю за першы квартал склала 243 мільёны долараў. Аб’ём экспарту тавараў і паслуг за першы квартал – 11 мільярдаў 700 мільёнаў долараў і з’яўляецца максімальным з 2012 года", - адзначыў Раман Галоўчанка.
Пры гэтым ён звярнуў увагу, што дзякуючы мерам, што прымаюцца ўрадам і Нацбанкам, інфляцыя ў гадавым выражэнні знізілася да 4,7%.
Дзяржава ў поўным аб’ёме выконвае свае сацыяльныя задачы. Даходы насельніцтва выйшлі на станоўчы тэмп росту.
"Рэальная зарплата вырасла амаль на 2%, сярэдняя зарплата ў студзені-сакавіку склала 1 731 рубель", - нагадаў кіраўнік урада.
Пры гэтым ён падкрэсліў, што ў доларавым эквіваленце сярэдні заробак дасягнуў адзнакі ў 627 долараў, што таксама з’яўляецца рэкордным паказчыкам за апошнія 10 гадоў.
Ідзе планавае павышэнне пенсій, з улікам апошняга ў маі сярэдняя пенсія складзе 705 рублёў, або плюс 21% да мая мінулага года.
Раман Галоўчанка лічыць, што значна палепшыліся фінансавыя паказчыкі працы арганізацый, чысты прыбытак вырас на 25% і склаў 4 мільярды 700 мільёнаў рублёў. Сума чыстых страт скарацілася на 27%. Стратных арганізацый стала менш на 86 адзінак.
"Паводле аператыўных даных, за 4 месяцы забяспечваецца рост прамысловай вытворчасці 102,3%, сельскай гаспадаркі 103,7%. Адноўлены мінулагодні ўзровень тавараабароту рознічнага і аптовага гандлю. Гэта пацвярджае тэзіс аб аднаўленчым росце эканомікі, нягледзячы на знешні націск", - рэзюміраваў беларускі прэм'ер.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
ВУП Беларусі знізіўся, але прамысловая вытворчасць расце
Запазычанасць кампаній Беларусі па крэдытах у расійскіх рублях вырасла
Расія застаецца для Беларусі прэміяльным рынкам – Мінсельгасхарч