МІНСК, 17 мая – Sputnik. Кіраўнікі МЗС Беларусі і Расіі Сяргей Алейнік і Сяргей Лаўроў абмяняліся на сустрэчы думкамі наконт нядаўняй рэзалюцыі Вышэйшага дзяржсавета Саюзнай дзяржавы, паведаміў расійскі міністр на прэс-канферэнцыі па выніках перагавораў з беларускім калегам.
Лаўроў нагадаў, што пасля пасяджэння Вышэйшага дзяржсавета, якое адбылося ў Маскве ў красавіку, было вырашана распрацаваць новую канцэпцыю бяспекі Саюзнай дзяржавы.
"Міністэрствы замежных спраў Расійскай Федэрацыі і Рэспублікі Беларусь акажуць самую актыўную падтрымку ў гэтым працэсе, які будзе каардынавацца апаратамі саветаў бяспекі нашых краін", - растлумачыў дыпламат.
Кіраўнік МЗС падкрэсліў, што новы дакумент дадаткова ўзмоцніць гарантыі бяспекі інтэграцыйнага аб’яднання і ў цэлым супрацоўніцтва Беларусі і Расіі ў гэтай сферы.
Акрамя бяспекі, Лаўроў закрануў і іншыя тэмы. Так, ён адзначыў, што абедзве краіны будуць узаемна ўзмацняць консульскую прысутнасць. Кіраўнік МЗС РФ, у прыватнасці, падзякаваў беларускаму боку за вырашэнне пытанняў, звязаных з адкрыццём Генконсульства Расіі ў Гродне.
Расія са свайго боку дапамагае ў пераўтварэнні аддзялення беларускага пасольства ў Санкт-Пецярбургу ў Генконсульства Беларусі. У планах – адкрываць і новыя аддзяленні ў шэрагу рэгіёнаў Расіі.
Эканоміка і санкцыі
"Вынікі сумеснай працы на гэтым напрамку (у эканоміцы - Sputnik) ужо знаходзяць адлюстраванне ў паказчыках росту ўзаемнага гандлю, які ў мінулым годзе дасягнуў рэкорднага аб’ёму каля 45 мільярдаў долараў і працягвае ў бягучым годзе павялічвацца", - сказаў Лаўроў.
Яго беларускі калега ў сваю чаргу запэўніў, што на фоне санкцый абедзве краіны паказалі, што ў стане забяспечваць свой эканамічны і тэхналагічны суверэнітэт. Паводле яго слоў, намечаныя сумесныя праграмы ўжо выкананы на 80%.
Візіт Алейніка
Раней паведамлялася, што кіраўнік МЗС Беларусі Сяргей Алейнік упершыню накіраваўся з візітам у Расію пасля прызначэння на пасаду міністра.
На сумесным брыфінгу з Лаўровым ён адзначыў, што ў Маскве ў яго прайшлі вельмі прадуктыўныя перагаворы з кіраўнікамі абедзвюх палат расійскага парламента Вячаславам Валодзіным і Валянцінай Мацвіенка.
"Беларусь для Расіі – бліжэйшы саюзнік, стратэгічны партнёр", - адзначала Мацвіенка па выніках гэтых перагавораў.
Яна таксама нагадала, што распачата падрыхтоўка да традыцыйнага форуму рэгіёнаў Беларусі і Расіі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Шэраг праграм СД накіраваны на ўмацаванне абараназдольнасці Беларусі
Ваенныя лётчыкі Беларусі і РФ патрулююць неба ў рамках праверкі боегатоўнасці
Лукашэнка: праз Украіну ўсіх нас уцягваюць у Трэцюю сусветную вайну