МІНСК, 30 мая – Sputnik. Міністэрства адукацыі нагадала, што адзнакі, атрыманыя на цэнтралізаваным экзамене, не падлягаюць перагляду.
Як паведамілі Sputnik у прэс-службе ведамства, гэта прадугледжана правіламі атэстацыі, прынятымі ў 2022 годзе ў сувязі з увядзеннем ЦЭ.
Адпаведна, падаць апеляцыю ў сувязі з нязгодай з ацэнкай, атрыманай за экзамен па рускай ці беларускай мове, выпускнікі школ не могуць. Раней аб гэтым ужо паведамлялі прадстаўнікі сістэмы адукацыі.
Нагадаем, напярэдадні міністэрства адукацыі апублікавана вынікі першага цэнтралізаванага экзамену (ЦЭ), які адбыўся ў рэспубліцы 14 мая па беларускай і рускай мовах. "Моўны" ЦЭ напісалі больш за 53 тысячы выпускнікоў школ. Максімальныя 100 балаў атрымалі 413 вучняў па беларускай мове і 482 чалавекі па рускай мове.
Вынікі выклікалі шквал эмоцый як у саміх абітурыентаў, так і ў іх бацькоў.
"У многіх супадаюць першасныя і другасныя балы, у кагосьці яны адрозніваюцца. Таму і з’явілася ўсеагульнае абурэнне. Наогул атрымліваецца, што правы абітурыентаў парушаны, таму што такая сістэма падліку не была апублікавана на сайце РІКВ", - падзялілася маці аднаго з тых, хто здаваў экзамен.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Амаль 900 стобальнікаў: Мінадукацыі апублікавала вынікі першага ЦЭ
Мінадукацыі вызначыла тэрміны ўступнай кампаніі ў каледжы
Петрышэнка: да ўступнай кампаніі – 2023 усё гатова