МІНСК, 7 чэр – Sputnik. Успышка газапаветранай сумесі без наступнага гарэння адбылася на ААТ "Светлагорскі ЦКК", паведамляе МНС.
"Вядуцца работы па пошуку двух рабочых прадпрыемства, якія праводзілі рэгламентныя работы", - дадалі ў ведамстве.
Іншых падрабязнасцей выратавальнае ведамства пакуль што не раскрыла.
Відавочцы паведамілі Sputnik, што з прадпрыемства эвакуіравалі супрацоўнікаў.
Як удакладнілі Sputnik у прэс-службе МНС, адкрытага гарэння з-за выбуху не было, аднак абрынуліся некаторыя канструкцыі.
"Як вядома, з 2 чэрвеня Завод беленай цэлюлозы Светлагорскага ЦКК знаходзіўся на афіцыйным перапынку. Пры правядзенні прафілактычных і рамонтных работ у цэху выпаркі шкіпінару пры прамыванні цеплаабменніка адбыўся выбух. На прадпрыемстве працуе камісія для высвятлення прычын здарэння", - сказаў старшыня, яго словы прыводзіць выданне "Светлагорскiя навiны".
Ён запэўніў, што пагрозы для жыцця і здароўі насельніцтва няма.
Цэлюлозна-кардонны камбінат у Светлагорску быў заснаваны яшчэ ў 1960-х. Спачатку там выпускалі гафрыраваны кардон, затым асвоілі іншыя віды папяровай прадукцыі і перапрацоўку макулатуры.
У 2010 годзе было вырашана пабудаваць на прадпрыемстве новыя магутнасці для вытворчасці беленай цэлюлозы. Кітайская кампанія САМСЕ павінна была здаць гэты аб’ект "пад ключ". Грошы на праект таксама былі з КНР у выглядзе крэдыту. Генпадрадчык адпрацаваў да кастрычніка 2018 года. Адбыўся канфлікт з беларускім бокам, і потым аб’ект даводзілі ўжо іншыя спецыялісты.
Запуск новай вытворчасці афіцыйна адбыўся ў 2020 годзе, і цяпер гэта адзінае прадпрыемства ў краіне, якое выпускае сульфатную беленую цэлюлозу. Яна выкарыстоўваецца і ў папяровай прамысловасці, і ў вытворчасці некаторых будматэрыялаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Надзвычайнае здарэнне з беларускім цягніком пад Бранскам: што вядома да цяперашняга часу
Украінская ДРГ падарвала аміякаправод у Харкаўскай вобласці – Мінабароны РФ
У Крамлі назвалі разбурэнне Кахоўскай ГЭС наўмыснай дыверсіяй Кіева