МІНСК, 8 чэр – Sputnik. Краіны АДКБ распрацуюць новую Канцэпцыю калектыўнай бяспекі да 2035 года, паведаміў журналістам дзяржсакратар Савета бяспекі Беларусі Аляксандр Вальфовіч.
"У рамках старшынства Беларусі ў АДКБ сёння ў Мінску прайшло пасяджэнне камітэта сакратароў саветаў бяспекі, на якім разгледжаны шэраг важных напрамкаў удасканалення АДКБ", - сказаў Вальфовіч.
Паводле яго слоў, гэтыя меры накіраваны перш за ўсё на забеспячэнне бяспекі на тэрыторыі краін, якія ўваходзяць у арганізацыю.
"Разгледжана каля дзевяці дакументаў, асноўныя з іх – гэта зацвярджэнне палажэння аб рэгіянальнай антытэрарыстычнай аперацыі "Наемник", зацвярджэнне палажэння аб запасах матэрыяльных сродкаў", - растлумачыў дзяржсакратар Савета бяспекі.
Ён расказаў, што ў вузкім складзе быў разгледжаны стан спраў і зроблены дакладны кароткі аналіз ваенна-палітычнай абстаноўкі ў рэгіёнах калектыўнай бяспекі.
"Кіраўнікамі дэлегацый адзначаны тыя выклікі і пагрозы, якія сёння зыходзяць для краін АДКБ у тым ці іншым рэгіёне, прапанаваны комплекс мер, які будзе нейтралізаваць гэтыя пагрозы", - адзначыў ён.
Напярэдадні ў Мінску прайшлі кансультацыі Саветаў бяспекі Беларусі і Расіі, на якіх абмяркоўваліся пытанні, накіраваныя на ўсебаковае ўмацаванне стратэгічнага партнёрства дзвюх краін у сферы бяспекі.
Сёння сакратары Савета бяспекі краін АДКБ таксама сустрэліся з прэзідэнтам Беларусі Аляксандрам Лукашэнкам.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Патрушаў распавёў, чаму Украіна адмовілася працягваць перагаворы з РФ
Лукашэнка расказаў, хто падарваў Кахоўскую ГЭС
Саветы бяспекі Беларусі і Расіі праводзяць кансультацыі па пытаннях бяспекі