МІНСК, 15 чэр – Sputnik. У Беларусі будзе ўпарадкаваны працэс накіравання ў ЛПП, сказала дэпутат Палаты прадстаўнікоў Святлана Адзінцова, перадае карэспандэнт Sputnik.
Паводле яе слоў, дэпутаты разглядаюць змены ў закон па пытаннях прымусовага лячэння і медыка-сацыяльнай рэадаптацыі.
"Сёння праблема наркаманіі, таксікаманіі, алкагалізму з’яўляецца важнай праблемай сучаснага сусветнага грамадства. У нас у рэспубліцы выконваецца паслядоўная дзяржаўная палітыка па папярэджанні гэтых згубных з’яў", - лічыць дэпутат.
Пры гэтым яна адзначыла, што ў закон, які разглядаецца, прапануецца ўнесці карэкціроўку аб адборы і накіраванні ў ЛПП і ўмовах знаходжання ў іх.
Адзінцова мяркуе, што гэта ўпарадкуе і спросціць сістэму накіравання ў ЛПП на аснове практыкі, якая ўжо склалася. Законапраектам удакладняюцца катэгорыі асоб для накіравання ў ЛПП, значна спрашчаецца медыцынскі агляд.
"Упершыню ўводзіцца паняцце абавязковасці грамадзян, якія накіроўваюцца ў ЛПП, адказна выконваць патрабаванні супрацоўнікаў аддзелаў унутраных спраў і арганізацый аховы здароўя пры медыцынскім аглядзе", - распавяла дэпутат карэспандэнту Sputnik.
На яе думку, вельмі важна, што будзе пашыраны пералік лячэбных і рэабілітацыйных мерапрыемстваў, якія будуць праводзіцца ў ЛПП пры ўдзеле медыкаў. Гэта дазволіць дапамагчы ўсім асобам, якія пакутуюць ад залежнасці.
Псіхатэрапеўт, участковы і ўрач
Раней Sputnik расказваў гісторыю жанчыны, якая пакутуе з-за суседа пенсійнага ўзросту, якога яна не ведае як адправіць у ЛПП.
Адзінцова адзначыла, што ў ЛПП не могуць быць адпраўлены інваліды I і II групы, асобы, якія не дасягнулі 18 гадоў, асобы, якія дасягнулі пенсіённага ўзросту, а таксама з пералікам пэўных захворванняў.
Дэпутат патлумачыла, што жанчыне трэба прыцягваць міліцыю і пасля на сябе ўсе функцыі павінна браць тэрытарыяльная псіхіятрычная служба.
"Трэба звяртацца ў псіхдыспансер. Тут ёсць некалькі нюансаў: неабходна яго згода. Толькі з яго згоды можна пачаць лячэнне", - нагадала яна.
Пасля чаго ўдакладніла, што разам з участковым можна звярнуцца да ўрача агульнай практыкі.
"У іх ёсць паўнамоцтвы крыху шырэй працаваць далей з такім кантынгентам. Толькі такім чынам", - рэзюміравала Адзінцова.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Беларусы сталі менш есці, ужываць алкаголь і траціць на жыллё
Ці з'явяцца ў Беларусі самагон-туры?