Цэлая брыгада была гатова да перакідкі ў Расію – Лукашэнка

МІНСК, 27 чэр – Sputnik. Цэлая брыгада была гатова да перакідкі ў Расійскую Федэрацыю пры неабходнасці, заявіў прэзідэнт Беларусі Аляксандр Лукашэнка ў Палацы Незалежнасці падчас цырымоніі ўручэння генеральскіх пагонаў.

Ён расказаў, што пасля таго, як у Расіі пачалі разгортвацца падзеі з удзелам ПВК "Вагнер", ім было прынята рашэнне аб прывядзенні арміі ў поўную баявую гатоўнасць.

Пры гэтым кіраўнік дзяржавы звярнуў увагу на тое, што акрамя ваенных у баявую гатоўнасць была прыведзена міліцыя і іншыя сілавыя ведамствы рэспублікі.

"Ніхто нават у гэтых саплівых тэлеграм-каналах не вякнуў супраць", - канстатаваў Лукашэнка.

Паводле яго слоў, беларускім сілавым падраздзяленням спатрэбілася ўсяго паўдня, каб выканаць усе неабходныя мерапрыемствы па пераводзе на баявое становішча.

У ноч на 24 чэрвеня сіламі ПВК "Вагнер" быў захоплены штаб Паўднёвай ваеннай акругі ў Растове-на-Доне. Гэта адбылося на фоне заявы кіраўніка групы "Вагнер" Яўгена Прыгожына аб нібыта нанесеных ударах Узброенымі сіламі РФ па тылавых лагерах ваеннай кампаніі. У Мінабароны Расіі гэтую інфармацыю абверглі. У дачыненні да Прыгожына была ўзбуджана крымінальная справа аб арганізацыі ўзброенага мяцяжу.

Прэзідэнт Расіі Уладзімір Пуцін выступіў у суботу раніцай са зваротам да расіян, у якім назваў дзеянні мяцежнікаў злачыннай авантурай і здрадніцтвам, да якого прывялі асабістыя інтарэсы і празмерныя амбіцыі.

Пазней Лукашэнка правёў перагаворы з Прыгожыным, прэс-служба беларускага лідара пацвердзіла, што група "Вагнер" спыняе сваё перамяшчэнне па тэрыторыі Расіі. Прэс-сакратар прэзідэнта Расіі Дзмітрый Пяскоў удакладніў, што Прыгожын пойдзе ў Беларусь, крымінальнае праследаванне яго будзе спынена.