МІНСК, 28 чэр – Sputnik. Нават у самыя цяжкія для Беларусі і Расіі часы кантакты на ўзроўні рэгіёнаў актыўна развіваліся, заявіў у ходзе відэазвароту да ўдзельнікаў Форуму рэгіёнаў ва Уфе прэзідэнт Беларусі.
Паводле яго слоў, рэгіянальныя кантакты дапамаглі выстаяць нашым краінам у час развалу дзяржаўнасці, калі разрываліся існуючыя эканамічныя сувязі.
"І цяпер трывалыя адносіны дапамагаюць нам трымаць новы ўдар з боку Захаду па ўсіх франтах: эканамічным, палітычным, ідэалагічным, інфармацыйным, культурным і іншых", - упэўнены Аляксандр Лукашэнка.
Пры гэтым ён акцэнтаваў увагу на тым, што супрацоўніцтва Беларусі і Расіі першапачаткова выбудоўвалася на падмурку эканомікі і тэхналагічнага суверэнітэту нашых краін.
"І гэту перавагу неабходна максімальна выкарыстоўваць. Што мы і робім", - запэўніў беларускі лідар.
Пасля чаго нагадаў, што развіццё двухбаковага супрацоўніцтва зрабіла вялікі рывок наперад і "ўзаемны гандаль таварамі і паслугамі ў мінулым годзе перавысіў рэкордную планку 50 мільярдаў долараў".
"Паказальна, што толькі ў бягучым годзе адбылося 16 візітаў кіраўнікоў рэгіёнаў Расіі ў Беларусь", - канстатаваў беларускі лідар.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Пуцін звярнуўся да ўдзельнікаў Форуму рэгіёнаў Расіі і Беларусі
Качанава прапанавала правесці інвентарызацыю прамысловасці Беларусі і РФ
Супрацоўніцтва рэгіёнаў – лакаматыў эканомікі Саюзнай дзяржавы