МІНСК, 3 ліп – Sputnik. Прэзідэнт Беларусі Аляксандр Лукашэнка павіншаваў суайчыннікаў з Днём Незалежнасці, адзначыўшы, што гэта свята – даніна пакаленням беларусаў, якія на працягу стагоддзяў адстойвалі права жыць на роднай зямлі і самастойна вызначаць уласны лёс.
3 ліпеня 1944 года Мінск быў вызвалены ад нямецка-фашысцкіх захопнікаў. Днём Незалежнасці, дзяржаўным святам гэты дзень стаў у Беларусі ў сярэдзіне 90-х гадоў мінулага стагоддзя.
"Гэтае свята" (…) захоўвае памяць аб бяспрыкладным подзвігу беларускага народа ў гады Вялікай Айчыннай вайны", - гаворыцца ў віншаванні прэзідэнта.
Паводле яго слоў, свята дэманструе гістарычную сталасць, нацыянальную годнасць і цвёрдую волю спадчыннікаў народа-пераможца ўмацоўваць сваю дзяржаўнасць.
Кіраўнік дзяржавы адзначыў, што Беларусь не толькі захавала і прымножыла лепшыя дасягненні савецкага перыяду, але і асвойвае сучасныя высокатэхналагічныя галіны эканомікі.
Пры гэтым у віншаванні падкрэслена, што, нягледзячы на беспрэцэдэнтныя выклікі часу, у краіне забяспечваюцца сацыяльныя гарантыі і магчымасці для самарэалізацыі кожнаму грамадзяніну.
"Сфарміраваны за гады незалежнасці духоўны, маральны, інтэлектуальны, эканамічны базіс дазваляе нам з упэўненасцю глядзець у будучыню", - адзначыў прэзідэнт.
Ён пажадаў суайчыннікам моцнага здароўя, шчасця, міру і дабрабыту.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Тэматычныя пляцоўкі Мінабароны на Дзень Незалежнасці – куды ісці
Расійская група "Филатов и Карась" стане хэдлайнерам канцэрта 3 ліпеня ў Мінску
Салют 3 ліпеня ў Мінску: дзе глядзець