МІНСК, 5 ліп – Sputnik. Абітурыентка з Мазыра Мілена Васько стала чарговай рэкардсменкай на гэтай уступнай кампаніі, атрымаўшы максімальныя балы на ЦЭ і ЦТ, паведаміла прэс-служба Міністэрства адукацыі.
Дзяўчына скончыла Мазырскі дзяржаўны абласны ліцэй. На цэнтралізаваным экзамене здавала рускую мову і хімію, на цэнтралізаваным тэсціраванні – біялогію. Кожны з прадметаў Мілена напісала на 100 балаў. Акрамя таго, у атэстаце ў ліцэісткі адны "дзесяткі".
Адны дзяўчынкі
Мілена Васько стала шостай абітурыенткай, якой калі-небудзь за ўсю гісторыю ўступных кампаній у Беларусі ўдавалася набраць 400 балаў з 400 магчымых на іспытах.
Рэкардсменкамі таксама сталі Паліна Дычак з Ліды і Вольга Друшыц з Жабінкаўскага раёна.
Год таму максімальныя балы на ЦТ набрала лідчанка Анастасія Більдзь, якая паступіла ў галоўную ІТ-ВНУ краіны БДУІР. У 2021-м 400 балаў атрымала абітурыентка з Жодзіна Анастасія Савасценак, якая пасля стала студэнткай ФМА БДУ.
А ў 2018-м максімальны вынік паказала дзяўчына з Пінска Анастасія Жаўнерык, якая таксама стала студэнткай факультэта міжнародных адносін.
Хлопцаў-рэкардсменаў на ўступнай кампаніі яшчэ не было.
Больш за 300 стобальнікаў
Дарэчы, на цяперашнім ЦТ пасля праверкі вынікаў па пяці прадметах зарэгістраваны ўжо 344 стобальнікі. Больш за ўсё выдатнікаў па матэматыцы – 157, на другім месцы грамадазнаўства – 86. Тэсціраванне па рускай мове на 100 балаў напісалі 49 абітурыентаў, па біялогіі – 36, па беларускай мове – 16.
Выдалена 14 чалавек: 11 – за мабільныя тэлефоны, тры – за шпаргалкі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Прымакоў расказаў, ці будуць у беларусаў гранты на паступленне ў ВНУ РФ
Лукашэнка расказаў, колькі гадоў павінны адпрацоўваць мэтавікі
У Расіі пракаментавалі закон аб адтэрміноўках для беларусаў