МІНСК, 17 ліп - Sputnik. Пракуратура крыху адышла ў бок ад сілавога блока ў свой час, заявіў кіраўнік дзяржавы Аляксандр Лукашэнка ў Палацы Незалежнасці, прымаючы з дакладам генеральнага пракурора Андрэя Шведа.
Паводле яго слоў, неаднаразова ўзнімалася пытанне аб ажыццяўленні пракурорскага нагляду за сітуацыяй у беларускай арміі, як там выконваюцца законы.
"Прапаноў маса паступае, у тым ліку і па стварэнні нейкай сістэмы ваенных пракурораў. Я гавару "нейкай сістэмы", таму што размова не ідзе аб вяртанні да той савецкай практыкі. Але нейкія элементы павінны быць", - лічыць беларускі лідэр.
Пасля чаго нагадаў, што ёсць розныя падыходы да гэтага пытання, улічваючы пазіцыю самога генеральнага пракурора па гэтай праблематыцы.
"Я яе ведаю, але чым вы матывуеце гэтую пазіцыю? Тое, што нам трэба ўзмацняць, напэўна, кантроль за выкананнем заканадаўства сярод вайскоўцаў, - гэта факт. Я вам пра гэта ўжо казаў, што пракуратура некалькі адхілілася ад сілавога блока ў свой час" , - цытуе Лукашэнку прэс-служба прэзідэнта.
Прычым ён нагадаў, што калі размова заходзіць аб сілавіках, то маюцца на ўвазе не толькі ваенныя, таму што з пагонамі на плячах ходзяць у МНС, МУС і КДБ.
"Паўсюль вока пракурора павінна быць", - падзяліўся бачаннем сітуацыі кіраўнік дзяржавы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Лукашэнка заявіў чыноўнікам, што "трэба круціцца зараз і думаць"
Лукашэнка расказаў, дзякуючы каму знаходзіцца ва ўладзе