МІНСК, 26 ліп - Sputnik. Белдзяржуніверсітэт паспяхова выканаў набор на дзённую бюджэтную форму, паведамілі Sputnik у прэс-службе ВНУ.
Усяго было пададзена 3687 заяў пры плане прыёму на бюджэт 2114 абітурыенты. Агульны конкурс па ўніверсітэце склаў 1,7 чалавека на месца.
Найвышэйшая канкурэнцыя склалася на спецыяльнасцях факультэта сацыякультурных камунікацый, дзе праводзяцца ўнутраныя iспыты: "графічны дызайн і мультымедыядызайн" - 14,8 чалавека на месца, "дызайн прадметна-прасторавага асяроддзя" – 8,2 чалавека на месца, "дызайн касцюма і тэкстылю" – 5,2 чалавекі на месца.
Ліцэісты і медалісты
Як расказаў рэктар БДУ Андрэй Кароль, без уступных іспытаў ва ўніверсітэт будзе залічана 325 абітурыентаў.
Паводле яго слоў, вырас працэнт выпускнікоў школ, якія паступаюць з залатымі медалямі. У гэтым годзе іх колькасць склала 910 чалавек. Ліцэістаў і гімназістаў – 1530 чалавек.
Акрамя таго, 80 працэнтаў тых, хто паступіў, мае сумарны бал вышэйшы за 300. У мінулым годзе такіх абітурыентаў было на парадак менш – 67 адсоткаў.
У разы павялічылася і колькасць стобальнікаў – сёлета іх 579. Самая вялікая колькасць 100-бальных сертыфікатаў, пададзеных у ВНУ, па рускай мове (128) і матэматыцы (109).
Нагадаем, што прыём дакументаў на платную форму навучання ў БДУ працягнецца да 9 жніўня.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Гэта рэкорд: максімальны бал атрымала абітурыентка з Мазыра