МІНСК, 3 жні – Sputnik. У Беларусі ўвогуле не павінна быць падзяжу буйной рагатай жывёлы, заявіў кіраўнік дзяржавы Аляксандр Лукашэнка падчас наведвання сельгаспрадпрыемства "Алекшыцы" ў Гродзенскай вобласці.
Беларускі лідар лічыць, што неабходна забіраць цялят з гаспадарак, дзе не ўмеюць іх утрымліваць.
"Галоўная выснова: у нас вельмі вялікі, высокі ўзровень падзяжу. Чаму з нядбайных гаспадарак не прывезці яму жывёлу і не аддаць?! Ён – не адмовіўся б... Навошта вы там трымаеце цялят?! Яны ж там здохнуць... Трэба іменем рэвалюцыі забіраць – у тых, якія не могуць трымаць, – забраць і яму аддаць!", - цытуе Лукашэнку Telegram-канал Пул Першага.
Паводле яго слоў, пытанне падзяжу буйной рагатай жывёлы больш не будзе ўзнімацца нават з будучым міністрам сельскай гаспадаркі.
"Павінна стаўленне быць да нованароджанага цяляці, як да дзіцяці", - растлумачыў сваё бачанне сітуацыі Лукашэнка.
Пасля чаго дадаў, што гэта праблема патрабуе аператыўнага вырашэння. Таму ўвесь дойны статак за пяць гадоў павінен быць пераведзены на малочнатаварныя комплексы.
"Нам трэба не тое каб падабрацца да нейкага адзінага тэхналагічнага працэсу, але вызначыцца", - падсумаваў кіраўнік дзяржавы.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Аграсектар Беларусі штодня зарабляе $23 млн – віцэ-прэм’ер
Лукашэнка паставіў задачу будаваць танныя малочныя комплексы
Галоўчанка: у міжсезонне беларусы павінны атрымліваць агародніну па прымальных цэнах