МІНСК, 7 жні – Sputnik. Асацыяцыя тэнісістаў-прафесіяналаў (ATP) і Жаночая тэнісная асацыяцыя (WTA) абнавілі свае рэйтынгі ў панядзелак, паведамляе Sputnik.
Які раз беларускі спартсмен Ілья Івашка то вылятае за межы першай сотні, то вяртаецца ў яе ізноў. У новым рэйтынгу ён палепшыў сваё становішча адразу на 13 пазіцый і спыніўся акурат на 100-м радку. Замацавацца на гэтай адзнацы шмат у чым дапамог турнір у мексіканскім Лос-Кабасе, дзе Івашка дабраўся да чвэрцьфіналу.
Лідзіруе ў мужчынскім тэнісным рэйтынгу па-ранейшаму іспанец Карлас Алькарас. Другі радок займае серб Новак Джокавіч, трэці – расіянін Данііл Мядзведзеў.
У жаночым рэйтынгу сітуацыя наступная. Не лепшым чынам складаюцца справы ў Аляксандры Сасновіч, якая менш чым за месяц страціла 13 месцаў і зараз знаходзіцца на 77-й пазіцыі. Вікторыя Азаранка засталася на ранейшым 19-м радку, у яе актыве 2 235 ачкоў.
Арына Сабаленка ўсё гэтак жа займае другі радок – у яе 8 845 пунктаў. На першым месцы полька Іга Свёнтак з 9 490 баламі.
На гэтым тыдні Сабаленка і Азаранка выступяць на буйным турніры ў Манрэалі з прызавым фондам каля $2,79 млн. Дзякуючы высокаму рэйтынгу Арына пачне выступленне з 1/16 фіналу 9 жніўня. Вікторыя ж у 1/32 фіналу сустрэнецца з полькай Магдай Лінет, паядынак пройдзе 7 жніўня ў 19:30 па мінскім часе.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Беларускі тэнісіст Ілья Івашка выйшаў у чвэрцьфінал турніру ў Мексіцы
Відовішчныя паядынкі: як у Гомелі стартавалі II Гульні краін СНД – фота
Барыс Грызлоў: навошта праводзіць ЧС у Фукуоцы, калі рэкорды ставяць у Казані?