МІНСК, 14 жні – Sputnik. Кіраўнік Беларусі Аляксандр Лукашэнка падчас сустрэчы з начальнікам Ваенна-тэхнічнага цэнтра "Царские волки" Дзмітрыем Рагозіным у Палацы Незалежнасці заявіў, што гатоў рэалізоўваць сумесныя ідэі.
Паводле яго слоў, сёння ў рамках сустрэчы ёсць магчымасць абмеркаваць усе пытанні, якія назапасіліся за час.
"І ведаючы вас як чалавека дзейнага, які не можа дзесьці там у баку быць ад галоўных падзей не толькі ў рэгіёне, але і ў свеце, шчыра кажучы, гатоў спрыяць таму, каб вашы вопыт і веды спатрэбіліся на карысць нашых агульных ідэй, якія мы разам з вамі падзяляем, і прытым даўно", - цытуе Лукашэнку яго прэс-служба.
Рагозін у сваю чаргу акцэнтаваў увагу на тым, што яго камандзіроўка ў Беларусь будзе нядоўгай, але дакладна прадуктыўнай, бо прыехаў ён па рабочых справах.
Начальнік цэнтра "Царские волки" расказаў, што ў яго планах – правесці сустрэчы з прадстаўнікамі беларускай прамысловасці, "маімі старымі сябрамі, з якімі ніколі не страчваў добрыя адносіны".
"Я сёння буду весці з імі перагаворы па шэрагу праектаў, якія звязаны перш за ўсё з работай нашага навукова-тэхнічнага цэнтра. І вам сёння аб гэтым раскажу. Думаю, што гэта цікавыя рэчы", - дадаў ён.
Разам з тым беларускі лідар яшчэ ў пачатку гэтай сустрэчы заўважыў, што апошнім часам Рагозін "цалкам знік з радараў, толькі ў СМІ скупыя заметкі і паведамленні".
"Як працаваў, так і працую", - супакоіў Рагозін прэзідэнта Беларусі.
Як ён растлумачыў, цяпер ён працуе ў іншай якасці, але "са значна большым патэнцыялам магчымасцей".
Нагадаем, Дзмітрый Рагозін на працягу некалькіх гадоў кіраваў дзяржкарпарацыяй "Роскосмос", а да гэтага займаў шэраг іншых адказных пастоў, уключаючы працу ў расійскім урадзе, ваенна-прамысловай і дыпламатычнай сферах.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"