Расія застаецца прыхільніцай шматпалярнага светаўладкавання, падкрэсліў расійскі лідар у сваім відэазвароце да гасцей і ўдзельнікаў XI Маскоўскай канферэнцыі па міжнароднай бяспецы. Паводле яго слоў, шматпалярны свет, у якім большасць краін гатовы адстойваць свой суверэнітэт, нацыянальныя інтарэсы і ўклад жыцця, можа стаць асновай для стабільнага глабальнага развіцця.
Пры гэтым у розных рэгіёнах свету раздзімаюцца ачагі старых канфліктаў і правакуюцца новыя, адзначыў прэзідэнт РФ, дадаўшы, што краіны Паўночнаатлантычнага альянсу па-ранейшаму нарошчваюць свой наступальны патэнцыял.
Сістэма кантролю над узбраеннямі ў свеце ўсё больш разбураецца, заявіў Пуцін.
"Не выключаем, што справу вядуць да паўнацэннай інтэграцыі НАТАўскіх сіл са структурамі блока АУКУС, якія ствараюцца", - адзначыў расійскі лідар.
Ён дадаў, што ачагі напружанасці, якія ўспыхваюць у розных краінах і рэгіёнах, маюць свае асаблівасці, але ў большасці сваёй яны справакаваны "геапалітычнымі авантурамі, эгаістычнымі, неакаланіяльнымі дзеяннямі Захаду".
"Да чаго прыводзіць гэтая палітыка падлівання алею ў агонь – добра відаць і на прыкладзе Украіны. Упампоўваючы ў неанацысцкі рэжым мільярды долараў, забяспечваючы яго тэхнікай, узбраеннямі, боепрыпасамі, накіроўваючы сваіх ваенных саветнікаў і наёмнікаў, робіцца ўсё, каб яшчэ больш распаліць канфлікт, уцягнуць у яго іншыя дзяржавы", - заявіў Пуцін.
Расійскі лідар заклікаў аб’яднаць намаганні сусветнай супольнасці, каб знізіць пагрозу канфрантацыі на глабальным узроўні.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Лукашэнка: размяшчэнне ядзернай зброі не адмяняе мірныя ініцыятывы Беларусі
Шайгу і Хрэнін правялі перагаворы на міжнародным форуме "Армия-2023"
Грызлоў: "Армия" пераканаўча дэманструе лідэрскія пазіцыі расійскага ВПК