МІНСК, 15 жні – Sputnik. Расія можа перагледзець сваю пазіцыю датычна невыкарыстання касетных боепрыпасаў, якія ёсць у яе на ўзбраенні. Аб гэтым заявіў кіраўнік абароннага ведамства Расіі Сяргей Шайгу.
Міністр адзначыў, што Вашынгтон сумесна са сваімі памагатымі здзяйсняе ваеннае злачынства, выкарыстоўваючы касетныя боепрыпасы ва Украіне.
"Хацеў звярнуць увагу на той факт, што ў нас на ўзбраенні таксама ёсць касетныя боепрыпасы. Да гэтага часу, па гуманітарных меркаваннях, мы ад іх выкарыстання ўстрымліваліся. Аднак гэтае рашэнне можа быць перагледжана", - заявіў ён падчас свайго выступлення ў рамках Маскоўскай канферэнцыі па міжнароднай бяспецы.
Пры гэтым кіраўнік ведамства падкрэсліў, што ЗША працягваюць распальваць абстаноўку не толькі вакол Украіны, але і вакол Тайваня, абвастраючы адносіны паміж мацерыковым Кітаем і востравам.
"Захад нагнятае абстаноўку вакол Тайваня. Праглядаецца шэраг аналогій у метадах працы, якія раней выкарыстоўваліся для расхіствання сітуацыі вакол Украіны", - растлумачыў Шайгу.
Гэта, на думку кіраўніка абароннага ведамства, абумоўлена ў першую чаргу пастаўкамі ўзбраенняў, ростам нацыяналістычных настрояў у СМІ, а таксама фарміраваннем празаходняй антынацыянальнай кіруючай вярхушкі.
У той жа час з Вашынгтона гучаць заклікі да дыялогу з Пекінам, што, на думку Шайгу, вельмі цынічна.
Нягледзячы на змены, што адбываюцца вакол, Расія працягне адстойваць сваю пазіцыю і ніхто не зможа нанесці шкоду яе інтарэсам.
"На пагрозы ў сферы бяспекі і спробы правакацый мы будзем адэкватна рэагаваць, у тым ліку шляхам умацавання бяспекі Саюзнай дзяржавы Расіі і Беларусі. Ні ў каго не павінна быць ілюзій, што на фоне правядзення спецыяльнай ваеннай аперацыі можна нанесці ўрон расійскім інтарэсам", - падсумаваў. ён.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Лукашэнка: размяшчэнне ядзернай зброі не адмяняе мірныя ініцыятывы Беларусі
Шайгу і Хрэнін правялі перагаворы на міжнародным форуме "Армия-2023"