Самалёт, сярод пасажыраў якога лічыўся Прыгожын, пацярпеў крушэнне

МІНСК, 23 жні – Sputnik. Расавіяцыя паведаміла аб пачатку расследавання крушэння самалёта Embraer, якое адбылося сёння вечарам ў Цвярской вобласці Расіі.

Згодна са спіскам пасажыраў, на борце знаходзіўся чалавек з іменем і прозвішчам Яўген Прыгожын.

У Расавіяцыі ўдакладнілі, што самалёт належаў ТАА "МНТ-Аэра", якое спецыялізуецца на бізнес-перавозках. Паводле папярэдніх звестак, у ім былі сем пасажыраў і тры члены экіпажа.

У сваю чаргу ў МНС Расіі праінфармавалі, што ў Цвярской вобласці паблізу ад населенага пункта Кужанкіна адбылося падзенне прыватнага самалёта Embraer Legacy, які выконваў рэйс Масква – Санкт-Пецярбург.

Праводзяцца пошукавыя работы, гаворыцца там.

Губернатар Цвярской вобласці Ігар Рудзеня заявіў, што ўзяў на кантроль сітуацыю з крушэннем грамадзянскага самалёта на тэрыторыі рэгіёна. Пра гэта паведаміла прэс-служба ўрада вобласці.

"Сітуацыю ўзяў на кантроль губернатар Цвярской вобласці Ігар Рудзеня. Цяпер на месцы працуюць прадстаўнікі праваахоўных органаў, МНС", - сказана ў паведамленні.

У прыватнасці, устанаўліваюцца дэталі здарэння і ўдакладняецца колькасць загінулых у выніку крушэння Embraer Legacy.

Экстранныя службы паведамілі РІА Навіны, што на месцы крушэння самалёта знойдзены целы васьмі загінулых.

"Паводле ўдакладненай інфармацыі, на месцы крушэння паветранага судна знойдзены целы васьмі загінулых", - сказаў субяседнік агенцтва.

Паводле яго слоў, на месцы катастрофы працягваюцца пошукава-выратавальныя работы.

Па факце авіяцыйнага здарэння ў Цвярской вобласці Галоўным следчым упраўленнем СК РФ узбуджана крымінальная справа па прыкметах злачынства, прадугледжанага арт. 263 Крымінальнага кодэкса (парушэнне правіл бяспекі руху і эксплуатацыі паветранага транспарту), паведамляецца ў Telrgram-канале Следчага камітэта Расіі.

У СК РФ удакладнілі, што на месца выехала следчая група, будуць прызначаны неабходныя экспертызы для ўстанаўлення прычын катастрофы.

Вечарам у сераду Расавіяцыя паведаміла, што, паводле звестак авіякампаніі "МНТ-Аэра", на борце самалёта Embraer сапраўды знаходзіліся сем пасажыраў, сярод якіх Яўген Прыгожын і Дзмітрый Уткін.

У ведамстве адзначылі, што выкананне рэйса ажыццяўлялася на падставе дазволу на выкарыстанне паветранай прасторы, выдадзенага ва ўстаноўленым парадку.