МІНСК, 25 жні – Sputnik. Кіраўнік дзяржавы падчас нарады ў Белдзяржуніверсітэце расказаў аб выніках праверкі работы рэктараў ВНУ.
"Урад па маім даручэнні правёў атэстацыю рэктараў усіх ВНУ краіны. Вынікі, шчыра вам скажу, несуцяшальныя", - цытуе Аляксандра Лукашэнку БелТА.
Паводле яго слоў, некаторыя рэктары ў ВНУ спачываюць на лаўрах. Яны дэлегуюць сваю працу намесьнікам, каб займацца публіцыстыкай. Па факце яны выконваюць толькі прадстаўніцкую функцыю.
Беларускі лідар назваў гэта недапушчальным, улічваючы, што зараз існуе шмат магчымасцей, каб папулярызаваць нашу адукацыю ў дружалюбных краінах.
Аляксандр Лукашэнка расказаў, што пасля атэстацыі рэктара БДУ ад урада паступіла радыкальная прапанова "ў сувязі з наяўнасцю значнай колькасці праблемных пытанняў у дзейнасці як універсітэта, так і ліцэя БДУ".
Пасля чаго дадаў, што прапанову падтрымалі і ў міністэрстве адукацыі, але кіраўнік дзяржавы пакуль што не схіляецца да такога варыянта.
"І гэта адна з важнейшых падстаў і прычын сённяшняй нашай сустрэчы", - падкрэсліў беларускі лідар.
Пасля чаго дадаў, што сітуацыя зразумелая, калі паставіцца да яе фармальна і бюракратычна. Бо нават няма чаго абмяркоўваць у дадзеным выпадку.
"Але я вам сказаў ужо, што ў сучасны час, наш час, калі мы шмат што зразумелі і ўсвядомілі (пераважная большасць нашага грамадства), з бухты-барахты кадравае рашэнне прымаць, асабліва ў вядучай ВНУ краіны, непрымальна", - рэзюміраваў Лукашэнка.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Лукашэнку насцярожваюць працэсы, якія адбываюцца ў БДУ
Да 6 тысяч рублёў: БДУ падняў кошт навучання
Амаль 600 стобальнікаў паступілі ў БДУ ў 2023 годзе