МІНСК, 29 жні – Sputnik. Расійскімі сродкамі супрацьпаветранай абароны знішчана ўкраінская супрацькарабельная ракета "Нептун", паведамілі ў Мінабароны РФ.
Першы пуск "Нептуна" адбыўся ў студзені 2018 года. Яе распрацоўкай займаліся канструктары ўкраінскіх прадпрыемстваў "Луч", "Матор Січ" і іншых.
Заяўлялася, што "Нептун" – магутная высокадакладная зброя, якая здольна знішчаць любыя марскія і наземныя цэлі на адлегласці да 300 кіламетраў.
HIMARS і дроны
Таксама СПА за мінулыя 24 гадзіны перахапіла два рэактыўныя снарады HIMARS і дзве супрацьрадыёлакацыйныя ракеты.
"Акрамя таго, за суткі знішчаны 27 украінскіх беспілотных лятальных апаратаў", - падкрэслілі ў абаронным ведамстве.
У прыватнасці, дроны былі перахоплены ў раёнах Шыпілаўкі, Крамянной, Сафіеўкі, Жытлаўкі, Залімана ЛНР, Кірылаўкі, Зайцава ДНР, Мірнага і Несцяранкі Запарожскай вобласці.
СПА кантралюе і абараняе неба Расіі, у тым ліку ў зоне правядзення спецыяльнай ваеннай аперацыі.
Кіеўскі рэжым неаднаразова спрабаваў правесці тэрарыстычныя атакі на тэрыторыі РФ з дапамогай дронаў, у тым ліку па аб’ектах у Маскве і Крыме. Гэтыя атакі паспяхова адбівае супрацьпаветраная абарона краіны.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Расія забяспечвае сябе ўсімі відамі ўзбраенняў – Мядзведзеў
СПА і РЭБ знішчылі 42 украінскія беспілотнікі, якія атакавалі Расію
Пуцін сустрэўся ў Крамлі з экіпажам танка "Алёша" – відэа