МІНСК, 5 вер – Sputnik. Галоўны трэнер мінскага хакейнага клуба "Дынама" Дзмітрый Квартальнаў пракаменціраваў гульню сваіх падапечных з падмаскоўным "Витязем", паведаміла прэс-служба "зуброў".
Раней у панядзелак "дынамаўцы" атрымалі разгромную перамогу над "Витязем", устанавіўшы свой новы рэкорд у рамках КХЛ.
Сустрэча прайшла ў горадзе Балашыха і завяршылася з лікам 7:0 на карысць "зуброў". Перамога стала для іх самай буйной за ўсю гісторыю ў КХЛ, абышоўшы папярэдні рэкорд 6:0, які мінчане ўстанавілі ў лістападзе 2020 года, абгуляўшы на выездзе новасібірскую "Сибирь".
"Задаволены вынікам, шмат галоў забілі! Патрэніравалі меншасць, тройчы ўдала яе рэалізавалі. Дзесьці сапернік абрэзаўся, і мы закінулі. Нячаста такое сустрэнеш, але ў хакеі ўсё бывае", - пракаменціраваў вынікі гэтай гістарычнай перамогі галоўны настаўнік "бела-сініх" .
Наступны матч беларусы правядуць з пекінскім "Куньлунем", які пройдзе 6 верасня, а на 8 верасня запланавана сустрэча ў Ніжнім Ноўгарадзе супраць "Торпедо".
Раней новы галоўны трэнер "зуброў" Дзмітрый Квартальнаў падчас прэс-канферэнцыі заявіў, што хакеісты "Дынама" не збіраюцца быць хлопчыкамі для біцця ў новым сезоне КХЛ.
Нядаўна стала вядома, што капітанам каманды выбраны Андрэй Стась.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Новы трэнер з’явіўся ў мінскага хакейнага клуба "Дынама"
Арына Сабаленка ўпершыню стане першай ракеткай свету
Расійскі трэнер падзяліўся ўражаннямі аб стадыёне "Дынама" ў Мінску