МІНСК, 11 вер – Sputnik. Беларусы Павел Глінчук і Ігар Ярашэвіч заваявалі ўзнагароды турніру па грэка-рымскай барацьбе "Мемориал Героя Советского Союза А. М. Аксенова. Возрождение", які прайшоў у Новасібірску, паведамляе Sputnik.
Сярод беларускіх атлетаў за прызавыя месцы змагаліся Максім Ступакевіч (вагавая катэгорыя 55 кілаграмаў), Максім Нягода і Вячаслаў Жэгалаў (абодва – 67), Захар Яневіч (72), Ігар Ярашэвіч (87), Павел Глінчук і Уладзіслаў Пусташылаў (97).
На вышэйшую прыступку п’едэстала гонару ў катэгорыі 97 кілаграмаў узнімаўся Павел Глінчук, Ігар Ярашэвіч (87) заваяваў бронзавы медаль.
Усяго ўдзел у спаборніцтвах прынялі больш за 200 барцоў з Арменіі, Азербайджана, Беларусі, Ірана, Казахстана, Кыргызстана, Узбекістана і РФ.
Атлеты з Беларусі і Расіі пасля таго, як пачалася спецаперацыя ва Украіне, аказаліся пад заходнімі санкцыямі.
Вясной бягучага года абмежаванні вырашылі аслабіць. У прыватнасці, у сакавіку 2023 года выканкам МАК рэкамендаваў міжнародным федэрацыям дапускаць да турніраў атлетаў з Беларусі і РФ, але толькі ў нейтральным статусе і толькі тых, хто не падтрымлівае СВА ва Украіне.
Многія федэрацыі ўжо дапусцілі да ЧС, ЧЕ і Алімпіяды беларускіх і расійскіх спартсменаў. У прыватнасці, гэта закранула баксёраў, цяжкаатлетаў, гальфістаў, весляроў і прадстаўнікоў некаторых іншых відаў спорту, аднак шэраг спартыўных арганізацый усё яшчэ захоўваюць забарону.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Цяпер афіцыйна: Арына Сабаленка стала першай ракеткай планеты
Смольскі выйграў мас-старт у Сочы
Беларускіх плыўцоў дапусцілі да міжнародных спаборніцтваў, але не да ўсіх