МІНСК, 14 вер – Sputnik. Кожны дамашні матч мінскага хакейнага клуба "Дынама" будзе тэматычным, паведаміла прэс-служба "зуброў" у афіцыйным Telegram-канале каманды.
Як адзначылі ў прэс-службе, такое ў Кантынентальнай хакейнай лізе будзе ўпершыню.
"Упэўнены – нашы балельшчыкі адданы не толькі хакею, але і сваёй справе, захапленням. Мы хочам падзяліць гэты запал: адзначыць разам прафесійныя і ўжо прывычныя балельшчыку "Дынама" святы, падтрымаць у любімых занятках і пачынаннях прама на "Мінск-Арэне", - гаворыцца ў паведамленні клуба.
Нагадаем, у гэтым сезоне "зубрам" трэба будзе згуляць 34 дамашнія гульні, бліжэйшая з іх адбудзецца 20 верасня супраць яраслаўскага "Локомотива". Тэматыка гэтага матча пакуль што не вядома.
Цяпер у мінчан працягваецца няпростая выязная серыя, у чацвер, 14 верасня, пройдзе шосты па ліку выязны матч. "Бела-сінія" згуляюць з камандай "Трактор" з Чэлябінска і пасля гэтага вернуцца ў Мінск, дзе іх таксама вялікая серыя дамашніх матчаў:
20 верасня мінчане згуляюць з "Локомотивом" з Яраслаўля,
22 верасня – з падмаскоўным "Витязем",
24 верасня – з "Торпедо" з Ніжняга Ноўгарада,
26 верасня – з казанскім "Ак Барсом",
30 верасня – з камандай з Тальяці "Лада", якая праз чатыры сезоны вярнулася ў КХЛ.
На гэтым дамашняя серыя не завершыцца, гульні на лёдзе "Мінск-Арэны" працягнуцца і ў кастрычніку:
2 кастрычніка – з "Барысом" з Астаны,
4 кастрычніка – з піцерскім СКА,
6 кастрычніка – зноў з яраслаўскім "Локомотивом".
Такім чынам, пасля шасціматчавай выязной серыі "зубры" правядуць на лёдзе "Мінск-Арэны" дамашнюю серыю з васьмі матчаў.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Беларускія весляры заваявалі шэсць узнагарод на турніры ва Уладзівастоку
Фотафакт: Сабаленка атрымала трафей першай ракеткі свету
Беларускія барцы заваявалі два медалі на міжнародным турніры ў Расіі