Спісак аб’ектаў для бясплатных экскурсій школьнікаў склалі ўлады Мінска

МІНСК, 1 кас – Sputnik. Улады беларускай сталіцы падрыхтавалі для школьнікаў каля 30 экскурсійных маршрутаў па розных музеях і знакавых аб’ектах горада, паведаміла першы намеснік старшыні камітэта па адукацыі Мінгарвыканкама Людміла Барысенка.

Нагадаем, што раней беларускі ўрад прынятай пастановай урэгуляваў пытанні набыцця білетаў на наведванне экскурсій для школьнікаў у гэтым навучальным годзе.

Згодна з дакументам, беларускія школьнікі змогуць бясплатна хадзіць на экскурсіі два разы ў год.

Яна нагадала, што раней большасць экскурсій для школьнікаў былі платныя, але апошнія два гады рэалізоўваўся пілотны праект, у рамках якога вучні толькі 10-х і 11-х класаў маглі без аплаты двойчы за год наведваць некаторыя аб’екты. З гэтага навучальнага года такая магчымасць з’явілася і ў астатніх вучняў.

Праводзіць экскурсіі можна будзе як у навучальны, так і ў час, па-за заняткамі, а таксама ў шосты школьны дзень.

Барысенка расказала, што Мінадукацыі ўжо прапанавала свае рэкамендацыі з улікам узросту вучняў. Сталічныя ўлады ўлічылі гэтыя рэкамендацыі і склалі свае спіскі з прапановамі.

Так, мінскім школьнікам прапануюцца бясплатныя экскурсіі ў музей Вялікай Айчыннай вайны, Нацыянальны гістарычны музей, Музей гісторыі беларускага кіно, Музей прыроды і экалогіі Беларусі, Музей гісторыі горада Мінска, Мастацкую галерэю Міхаіла Савіцкага, Лошыцкі сядзібна-паркавы комплекс, Цэнтральны батанічны сад, Вялікі тэатр оперы і балета, Мінскі трактарны завод, "Мінск-Арэну", парк-музей валуноў і іншае.

Разам з тым першы намеснік старшыні профільнага камітэта растлумачыла, што класны кіраўнік можа па сваім меркаванні выбіраць аб’екты для наведвання.