МІНСК, 11 кас – Sputnik. Намеснік пастаяннага прадстаўніка Беларусі пры ЮНЕСКА Кірыл Грушэўскі на чарговай сесіі Выканаўчага савета гэтай установы ААН у Парыжы ўзняў тэму будаўніцтва Польшчай пагранічнага бар’ера ў Белавежскай пушчы, паведамілі ў прэс-службе МЗС Беларусі.
Беларускі дыпламат адзначыў важнасць прынятага ў верасні рашэння Камітэта сусветнай спадчыны ЮНЕСКА наконт гэтага. У рашэнні не проста была выказана занепакоенасць. У дакуменце было сказана, што трэба спешна запрасіць на аб’ект місію экспертаў для ацэнкі негатыўнага ўздзеяння сцяны, якую пабудаваў польскі бок.
Бар’ер негатыўна ўплывае на прыродны комплекс, ускладняючы міграцыю жывёл. Раней на гэтую праблему звярнулі ўвагу польскія эколагі. Яны звярнуліся ў Еўракамісію па Бернскай канвенцыі.
На сесіі ў Парыжы прысутныя абмяркоўвалі і харчовы крызіс. Кірыл Грушэўскі ў сувязі з гэтым нагадаў, што заходнія краіны незаконна ўводзяць аднабаковыя прымусовыя меры супраць Беларусі. Напрыклад, праз гэтыя санкцыі Літва перакрыла транзіт беларускіх калійных удабрэнняў, парушыўшы Канвенцыю ААН па марскім праве і іншыя міжнародныя дакументы.
Прадстаўнікі некаторых краін закранулі і тэму паездак дзяцей Данбаса ў Беларусь. Кірыл Грушэўскі ў адказ звярнуў увагу, што аздараўленне і рэабілітацыя гэтых дзяцей – выключна добраахвотная. Інфармацыя аб гэтым не хаваецца.
"Беларуская дэлегацыя таксама выказала заклапочанасць у сувязі з нарастаючай палітызацыяй ЮНЕСКА і спробамі асобных краін выкарыстоўваць пляцоўку Арганізацыі для абмеркавання пытанняў, якія не ўваходзяць у яе кампетэнцыю", - падкрэслілі ў прэс-службе МЗС.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Беларусь працягне дабівацца зносу загароды ў Белавежскай пушчы – Мінпрыроды
Беларусь і ААН створаць экспертную групу па Белавежскай пушчы
Па віне Польшчы могуць загінуць многія жывёлы і расліны ў Беларусі