МІНСК, 11 кас – Sputnik. Беларусь унясе на разгляд Генеральнай Асамблеі ААН праект рэзалюцыі па забароне распрацоўкі і вытворчасці новых відаў зброі масавага знішчэння, заявіў пастаянны прадстаўнік рэспублікі ў міжнароднай арганізацыі Валянцін Рыбакоў.
Паводле яго слоў, гэту ініцыятыву Беларусь уносіць на разгляд галоўным дырэктыўным органам ААН яшчэ з 1996 года.
"Назва гаворыць сама за сябе: мы заклікаем усе краіны свету адмовіцца ад такіх дзеянняў для таго, каб знізіць магчымасць далейшага росту ўзбраенняў і з’яўлення новых, усё больш смяротных відаў зброі масавага знішчэння. Гэта наш уклад, калі хочаце, у барацьбу за мір ва ўсім свеце", - сказаў Рыбакоў, яго цытуе БелТА.
Пастаянны прадстаўнік адзначыў, што супраць беларускай рэзалюцыі традыцыйна галасуюць дзве-тры краіны, адна з іх – ЗША.
Ён таксама выказаў меркаванне, што тэхналагічны працэс, які адбываецца зараз ва ўсім свеце, павінен быць накіраваны ў мірнае ручво, "працаваць на дабрабыт людзей, а не на разбурэнне і забойства".
Дыпламат удакладніў, што праект новай рэзалюцыі будзе ўносіцца на разгляд у рамках 78-й сесіі Генасамблеі, якая пачала працаваць у верасні.
Шлях да раззбраення
Пытанне распрацоўкі і вытворчасці новых відаў зброі масавага знішчэння знаходзіцца ў полі зроку сусветнай супольнасці ўжо больш за 50 гадоў.
Штогод Беларусь у сааўтарстве з некаторымі іншымі дзяржавамі рыхтуе наконт гэтага рэзалюцыі, фактычна прапаноўваючы гатовы механізм рэагавання ў выпадку з’яўлення інфармацыі аб распрацоўцы такой зброі.
Як раней заяўлялі ў МЗС Беларусі, мэта падобнай ініцыятывы – прадухіленне гонкі ўзбраенняў і стварэнне механізма міжнародных інструментаў па раззбраенні, які будзе задзейнічаны пры ўзнікненні небяспечнай сітуацыі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Касетныя боепрыпасы: чаму забаронены і чым небяспечны – інфаграфіка
Пяскоў: на планы РФ размясціць ядзерную зброю ў Беларусі ніхто не паўплывае
НАТА праз Украіну бескантрольна раздае лічбавую зброю – МЗС Расіі