Сустрэча прэзідэнтаў Беларусі і Узбекістана адбылася перад стартам саміту лідараў СНД па ініцыятыве ўзбекскага боку, фрагмент сустрэчы апублікаваў Telegram-канал "Пул Першага", блізкі да прэс-службы беларускага прэзідэнта.
"Даўно не сустракаліся… Хоць пагаворым", - прывітаў калегу з Беларусі прэзідэнт Узбекістана.
"Усё правільна. Я думаў вас не напружваць. Там пагаворым (на саміце СНД - Sputnik). Але вы добра прапанавалі", - адрэагаваў Лукашэнка.
Сустрэча кіраўнікоў дзяржаў праходзіла за зачыненымі дзвярамі, прадстаўнікоў дэлегацый, якія прысутнічалі на ёй, Шаўкат Мірзіёеў назваў "праверанымі і знакамітымі".
"Вытрыманыя. Доўгія гады разам з намі", - адзначыў узбекскі лідар.
Падчас сустрэчы прэзідэнты дзвюх краін адзначылі дынамічнае развіццё двухбаковых адносін, паведамілі ў прэс-службе ўзбекскага лідара.
У прыватнасці, размова ішла аб росце ўзаемнага тавараабароту, кааперацыйных праектах у эканоміцы, сумесных культурных, гуманітарных і спартыўных мерапрыемствах.
Лідары адзначылі, што неабходна прыняць скаардынаваныя меры для далейшага пашырэння супрацоўніцтва ў розных сферах, у прыватнасці правесці новае пасяджэнне міжпраўкамісіі, Форум рэгіёнаў Беларусі і Узбекістана, а таксама сустрэчу рэктараў вядучых ВНУ дзвюх краін.
Лукашэнка і Мірзіёеў таксама абмяняліся думкамі аб узаемадзеянні ў рамках СНД і іншых міжнародных структур, расказалі ў прэс-службе ўзбекскага боку.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Лебедзеў: узаемадзеянне БРІКС і СНД знаходзіцца на пачатковым узроўні
Алейнік: адносіны Беларусі і Кыргызстана маюць стратэгічны характар
Краіны ЕАЭС і СНД могуць далучыцца да Форуму рэгіёнаў – Грызлоў