МІНСК, 26 кас – Sputnik. Міністр замежных спраў Беларусі Сяргей Алейнік заявіў аб неабходнасці распрацоўкі глабальнай хартыі справядлівага светапарадку, каб спыніць рух па эскалацыйнай лесвіцы.
Гэтую заяву ён зрабіў на міжнароднай канферэнцыі "Еўразійская бяспека: рэальнасць і перспектывы ў свеце, які трансфармуецца" ў Мінску.
"Мы (Беларусь - Sputnik) ужо фармуліравалі ідэю падрыхтоўкі „Хартыі разнастайнасці для XXI стагоддзя", - сказаў кіраўнік МЗС.
Паводле яго слоў, Еўразійскія краіны, а, па сутнасці, Глабальнай Большасці "маглі б адкрыта і транспарэнтна распрацаваць такі дакумент", дзе былі б выкладзены прынцыпы для пабудовы справядлівага сусветнага парадку.
"Краіны Захаду таксама маглі б стаць удзельнікамі працэсу", - падкрэсліў Алейнік.
Ён таксама адзначыў, што сучаснаму свету патрэбен дыялог, каб прыпыніць працэсы глабальнай канфрантацыі. Акрамя гэтага, неабходны намаганні да таго, каб спыніць "рух па эскалацыйнай лесвіцы".
Гаворачы аб важнасці дыялогу, кіраўнік МЗС Беларусі заявіў аб неабходнасці падрыхтоўкі "сур’ёзнага саміту" кіраўнікоў дзяржаў еўразійскай прасторы для абмеркавання будучай архітэктуры бяспекі.
Па словах кіраўніка МЗС, гэты саміт павінен вызначыць архітэктуру, якая забяспечыць трывалы мір на планеце.
Алейнік выказаў надзею, што ідэі, якія будуць агучаны на канферэнцыі ў Мінску будуць запатрабаваны. Пры гэтым ён прапанаваў выкарыстоўваць мінскую пляцоўку для новага падобнага дыялогу ў наступным годзе.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Лаўроў: ядзерная пагроза ЗША прымушае Расію прымаць кампенсуючыя меры
Мезенцаў: Саюзная дзяржава адэкватна рэагуе на пагрозы ў рэгіёне
Сіярта: Венгрыя выступае за прагматычны дыялог паміж Усходам і Захадам