МІНСК, 31 кас – Sputnik. Канцэпцыя бяспекі Саюзнай дзяржавы будзе ўлічваць нацыянальныя інтарэсы, заявіў дзяржсакратар Дзмітрый Мезенцаў у эфіры тэлеканала "Беларусь 1".
"Канцэпцыя бяспекі Саюзнай дзяржавы – гэта важнейшы дакумент, над якім працуюць Саветы бяспекі дзвюх нашых краін у мэтах выканання даручэння Вышэйшага дзяржсавета, якое было падпісана 6 красавіка гэтага года. І работа ідзе паспяхова", - запэўніў ён.
Пры гэтым дзяржсакратар Саюзнай дзяржавы адзначыў, што новая канцэпцыя бяспекі будзе ўлічваць абаронны патэнцыял дзвюх краін.
Мезенцаў падкрэсліў, што трэба ўлічваць націск, які аказваецца на абедзве краіны, каб гарантаваць бяспеку ў інфармацыйнай сферы. Таксама неабходна забяспечваць абарону нацыянальных інтарэсаў у сферы эканомікі.
"У нас зацверджана адзіная абаронная дактрына Саюзнай дзяржавы, канцэпцыя адзінай міграцыйнай палітыкі", - нагадаў ён.
Дзяржаўны сакратар таксама звярнуў увагу, што ва ўмовах адкрытасці краін адна адной трэба забяспечваць і роўныя правы грамадзян ва ўсіх сферах.
Раней 6 красавіка гэтага года ў Крамлі на пасяджэнні Вышэйшага дзяржсавета была падпісана рэзалюцыя "Аб распрацоўцы Канцэпцыі бяспекі Саюзнай дзяржавы".
Дакумент павінен вызначыць, як Беларусь і Расія будуць супрацоўнічаць на фоне напружанасці на міжнароднай арэне ва ўмовах гібрыднай вайны.
Канцэпцыя бяспекі Саюзнай дзяржавы павінна быць прадстаўлена на разгляд профільнымі ведамствамі ўжо ў 2024 годзе.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Мезенцаў: Расія разглядае абарону Беларусі як абарону рубяжоў Саюзнай дяржавы
Лаўроў: Масква не пазбягае прапаноў па зніжэнні канфрантацыі з Захадам
Генеральны сакратар АДКБ: канфлікты становяцца інструментам геапалітычнай канфрантацыі