БРЭСТ, 10 ліс – Sputnik. Саюзныя праекты па замяшчэнні імпарту, якія фінансуюцца праз расійскую крэдытную лінію, сур’ёзна мяняюць характар эканомікі дзвюх краін, заявіў кіраўнік Мінэканамразвіцця РФ Максім Рашэтнікаў, перадае карэспандэнт Sputnik.
Паводле яго слоў, для адбору праектаў была пастаўлена высокая планка. Гэта павінны быць сапраўды сумесныя вытворчасці па выпуску складанай машынабудаўнічай, тэхналагічнай і іншай прадукцыі.
"З майго пункту гледжання, 74 млрд расійскіх рублёў, або 75% (ад крэдытнай лініі РФ - Sputnik), ужо, гэтак кажучы, алацыраваных рэсурсаў – гэта вельмі добры вынік. Асабліва, калі паглядзім, скажам так, па канкрэтнай начынцы гэтых праектаў", - сказаў міністр.
Сам факт выдзялення гэтых сродкаў, упэўнен Рашэтнікаў, значна паўплывае на кааперацыю дзвюх краін. У якасці прыкладу ён прывёў адкрыццё завода беларускага холдынга "Амкадор" ва Уфе.
Раней у Брэсце расійскі міністр паведаміў, што бакі адобрылі 20 праектаў на 74 млрд расійскіх рублёў. Агульны аб’ём крэдытнай лініі – 105 млрд. Больш за 2,5 млрд ужо накіраваны на пяць праектаў.
Прэзідэнт Беларусі Аляксандр Лукашэнка на сустрэчы з беларускім паслом у Расіі Дзмітрыем Крутым у маі гэтага года адзначаў, што разлічвае на поўнае асваенне крэдытнай лініі.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Мінэканомікі: ВУП Беларусі ў 2023 годзе вырасце на 3,8%
Рашэтнікаў: Беларусь і Расія паставяць новы рэкорд па ўзаемным гандлі
Віцэ-прэм’еры РФ і Беларусі абмеркавалі прыярытэты Саюзнай дзяржавы