Расійскі лідар Уладзімір Пуцін у чацвер прыбыў у Мінск для ўдзелу ў выніковым саміце дзяржаў-удзельніц АДКБ, напярэдадні ў беларускай сталіцы адбылося пасяджэнне Савета кіраўнікоў МЗС, Мінабароны і Камітэта сакратароў саветаў бяспекі дзяржаў АДКБ.
Сустрэча расійскага прэзідэнта прайшла ў нацыянальным аэрапорце Мінск, адтуль картэж накіраваўся ў Палац Незалежнасці, дзе праходзяць асноўныя мерапрыемствы саміту.
У Мінск прыбылі кіраўнікі ўсіх краін АДКБ, за выключэннем прадстаўнікоў Арменіі. У Мінску сустракаюцца Аляксандр Лукашэнка, Уладзімір Пуцін, Касым-Жамарт Такаеў, Садыр Жапараў і Эмамалі Рахмон. На мерапрыемстве не прысутнічае прэм’ер Арменіі Пашынян. Акрамя таго на мерапрыемствы па лініі АДКБ перад самітам не прыехалі кіраўнікі МЗС і Мінабароны Арменіі.
Кіраўнікі Кыргызстана і Таджыкістана прыляцелі ў Мінск напярэдадні і ўвечары паразмаўлялі з беларускім прэзідэнтам Аляксандрам Лукашэнкам у нефармальнай абстаноўцы.
Што да графіка Уладзіміра Пуціна ў Мінску, то паводле інфармацыі прэс-службы Крамля, у расійскага лідара не запланаваны асобныя двухбаковыя сустрэчы з лідарамі АДКБ, але зносіны на палях саміту "будуць абавязкова".
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Пра што гаварылі і што вырашылі міністры краін АДКБ на саміце ў Мінску – відэа
Краіны АДКБ выступілі за спыненне палесціна-ізраільскага канфлікту
Прадстаўнікі АДКБ падпісалі ў Мінску сумесныя дакументы