МІНСК, 23 ліс – Sputnik. Ерэван не блакіраваў ніводнае рашэнне мінскага саміту АДКБ, сказаў журналістам у кулуарах мерапрыемства дзяржсакратар Савета бяспекі Беларусі Аляксандр Вальфовіч.
Нагадаем, прэм’ер-міністр Арменіі Нікол Пашынян, як і іншыя высокапастаўленыя прадстаўнікі краіны, вырашылі не ўдзельнічаць у мінскіх мерапрыемствах АДКБ. Нягледзячы на адсутнасць армянскага боку, прадстаўнікі Арганізацыі напярэдадні падпісалі сумесныя дакументы, якія датычацца супрацоўніцтва ў ваенна-палітычнай сферы.
"Не заблакіравана ніводнае рашэнне. Міністэрствам замежных спраў Беларусі з Міністэрствам замежных спраў Арменіі ўзгоднены ўсе рашэнні, дэкларацыя. Гэта таксама гаворыць аб узаемаразуменні, у тым ліку з армянскага боку, у вырашэнні пытанняў, якія сёння ўскладзены на Арганізацыю", - цытуе Вальфовіча БелТА.
Паводле яго слоў, хацелася б, каб на саміце ў Мінску прысутнічалі ўсе кіраўнікі дзяржаў і дэлегацыі. Але самае галоўнае, што Ерэван узгадніў усе рашэнні, прынятыя ў беларускай сталіцы ў рамках мерапрыемстваў АДКБ.
"Ёсць аб’ектыўныя і суб’ектыўныя прычыны, відаць, па якіх армянскія нашы калегі вырашылі не прыбыць сёння ў Мінск", - заўважыў дзяржсакратар.
Пасля чаго выказаў упэўненасць, што Арменія не жадае выйсці з ваенна-палітычнага саюза.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Таксама на Sputnik:
Лукашэнка: краінам АДКБ патрэбны новыя рашэнні па ўмацаванні бяспекі
Арменія ўстрымалася ад галасавання па дзвюх рэзалюцыях у рамках ПА АДКБ
Алейнік: рашэнні мінскага саміту АДКБ легітымныя пры адсутнасці Арменіі