МІНСК, 24 ліс – Sputnik. Спробы прыцягнуць НАТА да вырашэння пытанняў з затопленай на дне Балтыйскага мора хімзброяй могуць быць з сумнымі наступствамі, заявіў кіраўнік другога еўрапейскага дэпартамента расійскага знешнепалітычнага ведамства Сяргей Бяляеў.
Паводле яго слоў, апошнім часам фіксуецца актыўнасць некаторых краін Захаду, Еўрасаюза і падкантрольных ім арганізацый. Яна звязана з пытаннямі падняцця затопленай у Балтыйскім моры хімзброі і боепрыпасаў часоў Другой сусветнай вайны.
У МЗС упэўнены, што абмеркаванне гэтай тэмы павінна ў першую чаргу ажыццяўляцца на адпаведных міжнародных пляцоўках, напрыклад, у Камісіі па абароне марскога асяроддзя раёна Балтыйскага мора (ХЕЛКОМ).
Акрамя таго, павінны абавязкова ўлічвацца меркаванні Расіі і іншых краін-саюзніц па антыгітлераўскай кааліцыі. Таксама трэба не забываць пра экалагічныя рызыкі.
Па словах дырэктара дэпартамента, ХЕЛКОМ зараз не можа паўнавартасна дзейнічаць, што звязана з "паводзінамі заходніх краін".
"Няўзгодненыя сепаратныя дзеянні, спробы "падцягнуць" да гэтай тэмы няпрофільныя структуры накшталт Савета дзяржаў Балтыйскага мора або НАТА не толькі контрпрадуктыўныя, але могуць прывесці да вельмі сумных для ўсёй Балтыкі наступстваў", - цытуе прадстаўніка расійскага МЗС агенцтва РІА Навіны.
Затопленая зброя
Нагадаем, пасля заканчэння ваенных дзеянняў у 1945 годзе ў Балтыйскім моры затапілі некалькі дзесяткаў тысяч тон хімічных боепрыпасаў. Самы вялікі арсенал быў скінуты каля астравоў Готланд і Борнхальм. Паводле ацэнак расійскіх вучоных, на дне Балтыкі могуць знаходзіцца некалькі тысяч тон іпрыту.
Разам з тым, як паведамляла раней выданне Politico, нямецкія ўлады маюць намер запусціць праграму па падняцці гэтых боепрыпасаў са дна мора.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"