МІНСК, 29 ліс – Sputnik. Мінэканомразвіцця Расіі і Мінэканомікі Беларусі распрацавалі новы пакет інтэграцыйных дакументаў Саюзнай дзяржавы на 2024-2026 гады, паведаміла прэс-служба расійскага міністэрства.
Пакет складаецца з 11 раздзелаў і ставіць 120 задач. У тым ліку ў ім гаворыцца аб роўных умовах і гарантыях для бізнесу, аб адзіных правілах канкурэнцыі, абароне праў спажыўцоў. Яшчэ адзін напрамак – фарміраванне ўмоў для стварэння аб’яднанай транспартнай і энергетычнай сістэмы.
"Рэалізацыя новага інтэграцыйнага пакета прадугледжвае далейшае развіццё нацыянальных плацежных сістэм, запуск работы аб’яднанага рынку электраэнергіі, удасканаленне транспартных зносін і лагістыкі, развіццё прамысловай кааперацыі, турызму і інвестыцыйнага супрацоўніцтва", - адзначылі ў Мінэканомразвіцця.
Плануецца, што новы інтэграцыйны пакет на найбліжэйшыя тры гады падпішуць прэзідэнты Беларусі і Расіі Аляксандр Лукашэнка і Уладзімір Пуцін на пасяджэнні Вышэйшага Дзяржсавета Саюзнай дзяржавы.
Нагадаем, у лістападзе 2021 года на пасяджэнні ВДС лідары дзвюх краін узгаднілі дакумент, які зацвярджаў 28 саюзных праграм. У пачатку лістапада гэтага года віцэ-прэм’ер РФ Аляксей Авярчук паведамляў, што рэалізацыя гэтых праграм набліжаецца да завяршэння.
>>> Хочаце яшчэ больш актуальных і цікавых навін – падпісвайцеся на Telegram-канал Sputnik Беларусь, чытайце нас у Дзэн, а таксама сачыце за намі ў сацсетках "Одноклассники" і "ВКонтакте"
Чытайце таксама:
Галоўчанка: спробы дэзарганізацыі саюзнага будаўніцтва праваліліся
Мінэканомікі: інвестыцыі Расіі ў беларускія прадпрыемствы выраслі на 140%
Пархомчык: Масква і Мінск узгаднілі больш за 20 імпартазамяшчальных праектаў